Атырдьах ыйын 4 күнүнээҕи туругунан, Анаабыр улууһугар коронавируска икки киһи сутуллубута биллэр диэн улуус суһал ыстааба иһитиннэрэр.
«Дьоҥҥо ыарыы ыараханнык киирэрэ, ыарыы эдэр дьоҥҥо тарҕанара элбээбитэ улахан кутталы үөскэтэр, онон бары ирдэнэр миэрэлэри кытаанахтык тутуһуҥ диэн ыҥырабыт.
Билигин бэйэни хааччахтаныыга 20 киһи олорор. Пандемияны вакцинация эрэ тохтотуон сөбүн өйдүөххэ уонна ону туоратыыга көхтөөхтүк кыттыахха. Интэриниэтинэн, батсаабынан сымыйа сурахтары тарҕатааччылар административнай миэрэҕэ тардыллыахтарын сөп», — диэн иһитиннэриигэ суруллубут.
Улуус киинигэр Сааскылаахха, бэҕэһээҥҥи дааннайдарынан, дьаҥ утары быһыы бастакы компоненын 1060 киһи, иккис компоненын 976 киһи ылбыт.
+1
+1
+1
+1
+1
+1
+1