Сааскылаахха уот суоһуур куттала суох

Бөлөххө киир:

Анаабыр Сааскылааҕар бэҕэһээ күнүс 14:15 чааска ньиэп ыскылаадыгар бензовоз сапыраапкалана турдаҕына носуос умайан, баһаар буолбута. МЧС, эрэгийиэннээҕи быыһыыр сулууспа уонна баһаарынайдар көмөлөрүнэн умайа турар эбийиэк тула уот бохсуллубут диэн МЧС пресс-сулууспата иһитиннэрэр.

«Эбийиэккэ баар атын уматыктарга уот тарҕанар куттала суох. Нэһилиэнньэ олоҕо этэҥҥэ, өлүү уонна эчэйии суох. Уоту тохтотууга 63 киһи уонна 14 тиэхиньикэ үлэлээтэ», — диэн иһитиннэриигэ суруллубут.

Бэҕэһээ киэһэ Дьокуускайтан Анаабырга вице-премьер Алексей Колодезников салалталаах суһал бөлөх көппүтэ.

«Түүн баһаар тула 500-чэ туонна кумаҕы тиэйэн, уоту бохсубуттар. Билигин атын уматыктарга уот тиийбэтин туһугар үлэ барар. Чугас дьиэлээх 114 киһини дьиэлэриттэн көһөрдүлэр», — диэн Ил Дархан Айсен Николаев «Инстаграмыгар» суруйбут.

Олохтоох дьаһалта чугас дьиэлээх дьону оскуолаларга уонна уһуйааннарга олохтообут, аһылыгынан хааччыйбыт.

edersaas.ru

+1
0
+1
0
+1
0
+1
0
+1
0
+1
0
+1
0