Үлэ Дьоруойа Варвара Устинова уонна Үлэ Албан аатын уордьанын толору кавалера, Үлэ Дьоруойа Михаил Готовцев күүтүүлээх кэрэ бырааһынньыгынан — Күөх Маайынан бар дьонноругар итии-истиҥ эҕэрдэлэрин тиэртилэр.
—Күндү биир дойдулаахтарбыт!
Биһиги өрүү тэһийбэккэ күүтэр сандал сааспыт кэрэ бырааһынньыга — Күөх Маай, сүргэни өрө көтөхпүтүнэн тэтимнээхтик, эрчимнээхтик сааскы сылаас салгыны кытары, сайа охсор тыаллыын тэҥҥэ сырсан тиийэн кэллэ! Саас кэрэ кэмэ, өрүү чаҕылхай күннээх, сиккиэр тыаллаах, ураты сырдык, кэрэ!
Чуолаан, бу сааскы кэрэ күн илдьитин кытта биһиги ыра санаабытын ситимнии тутабыт, көй салгыҥҥа үөһээттэн үөһээ көҥүлгэ көтүтэбит. Олохпут тупсарыгар, киэркэйэригэр эрэл санаабыт эмиэ саҥалыы саҕыллар уонна салгыы сайдарбытыгар ис кыахпыт ураты эрчимнээхтик түмүллэр.
Бука барыгытын күүтүүлээх кэрэ күнүнэн! Ыам ыйын 1 күнүнэн, Күөх Маайынан! Үлэ уонна Ил-Эйэ бырааһынньыгынан!
Чэгиэн буолуҥ, этэҥҥэ олоруҥ!
Бары кэрэни, үтүөнү кытта Варвара Устинова, Михаил Готовцев