Сандал сааспыт кэлэн, эр дьон эрэ барыта кустуу, бултуу, балыктыы бараары тиэтэйэр. Ол эрээри, ыллыҥ да кустуу барарыҥ табыллыбат! Кустааһын көҥүллэнэ илигинэ сааланар бобуулаах. Бу күннэргэ көтөр кынаттаахха 2019 сыл сааһыгар бултааһын болдьоҕо бигэргэннэ.
edersaas.ru
Ол курдук, ыам ыйын 6 күнүттэн кынаттаах көтөргө бултааһын саҕаланарын туһунан СӨ Экологияҕа министиэристибэтин пресс-сулууспата иһитиннэрдэ. Өрөспүүбүлүкэҕэ хааска бултааһын ыам ыйын 6 күнүттэн 8-гар диэри бастакынан Абый, Үөһээ Халыма, Өлөөн, Эбээн Бытантай улуустарыгар саҕаланыаҕа. Ыам ыйын 10 күнүттэн 12-гэр диэри Эдьигээн, Орто Халыма уонна Айхал, Удачнай куораттарын бултуур сирдэригэр. Ыам ыйын 16 — 18 күннэригэр Аллайыаха уонна Аллараа Халыма, ыам ыйын 24 — 26 күннэригэр Анаабыр уонна Усуйаана улуустарыгар.
Оттон атыыр куска (речные и нырковые), хааска, куоҕаска бултааһын ыам ыйын 11 күнүттэн саҕаланар. Алдаҥҥа, Аммаҕа, Ленскэйгэ, Мэҥэ Хаҥаласка, Намҥа, Нерюнгрига, Өлүөхүмэҕэ, Сунтаарга, Тааттаҕа, Томпоҕо, Уус Алдаҥҥа, Уус Маайаҕа, Хаҥаласка, Чурапчыга уонна Дьокуускайга ыам ыйын 11 күнүттэн 20 күнүгэр диэри көҥүллэнэр. Үөһээ Бүлүүгэ, Бүлүүгэ, Горнайга, Кэбээйигэ, Мииринэйгэ (Айхал, Удачнай куораттарын территорияларыгар баар бултуур сирдэргэ), Ньурбаҕа уонна Өймөкөөҥҥө ыам ыйын 14 күнүттэн 23-гэр диэри. Дьааҥыга ыам ыйын 16 күнүттэн уонна 25-гэр диэри, оттон Муомаҕа ыам ыйын 18-тан 27-гэр диэри. Абыйга, Үөһээ Халымаҕа, Дьааҥыга, Эдьигээҥҥэ, Өлөөҥҥө, Орто Халымаҕа, Эбээн Бытантайга уонна Айхал, Удачнай куораттар территорияларыгар баар бултуур сирдэригэр ыам ыйын 31 күнүттэн бэс ыйын 6 күнүгэр диэри көҥүллэниэҕэ. Булуҥ улууһугар бултааһын бэс ыйын 1 күнүттэн 10-гар диэри, оттон Аллараа Халымаҕа бэс ыйын 1 күнүттэн 7-гэр диэри уонна Анаабыр, Аллайыаха уонна Усуйаана улуустарыгар бэс ыйын 4 күнүттэн 10-гар диэри көҥүллэниэҕэ.
Оттон андыга (обыкновенный и горбоносый) бултааһын бэс ыйын 1 күнүттэн 4-гэр диэри Амма, Үөһээ Бүлүү, Бүлүү, Горнай, Кэбээйи, Мэҥэ Хаҥалас, Муома, Нам, Өймөкөөн, Таатта, Томпо, Уус Алдан, Хаҥалас, Чурапчы улуустарыгар.
Биһ. корр., edersaas.ru