Иркутскай уобаласка Өлүөнэ өрүс мууһа муус устар 24 күнүгэр хамсаан, билигин Киренскэй оройуонугар тиийдэ.
Уу ресурсаларын федеральнай агентствотын Өлүөнэ сүнньүнээҕи ууга управлениета иһитиннэрбитинэн, Өлүөнэ мууһа Саха сирин кыраныыссатыгар тиийэрэ 200 килэмиэтир хаалбыт. Урут суруйан аһарбыппыт курдук, Өлүөнэ мууһа Ленскэйгэ, Өлүөхүмэҕэ ыам ыйын 4-12 күннэригэр, Дьокуускай аннынан ыам ыйын 14-16 күннэригэр устара күүтүллэр.
ЫБММ уу ылыан сөптөөх сиригэр олорор дьон сааскы халаан уутуттан сэрэхтээх буолалларыгар, сүөһүлэрин-астарын үрдүк сиргэ таһааралларыгар, малларын-салларын уу ылбатын курдук дьаһаналларыгар ыҥырар. Өрүскэ уу таһымын кэтии сылдьан куттал суоһаатаҕына анал эвакуационнай пууннарга көһөн биэрэллэригэр, сааскы көтөрү бултааһын болдьоҕо аһыллыбытынан, булчуттартан уонна балыксыттартан ууттан сэрэхтээх буолалларыгар, өрүс арыыларыгар киирбэттэригэр сүбэлиир.
Биһ. корр., edersaas.ru