Сааскы халааҥҥа сэрэхтээх буолуу дьаһалларын тэрийии чэрчитинэн, нэһилиэнньэ олоҕор-дьаһаҕар куттал суох буолуутун хааччыйыы судаарыстыбаннай кэмитиэтэ ууга барар кутталлаах сирдэргэ олорор дьоҥҥо анаан өйдөтөр-сүбэлэри бэчээттээн таһаарда.
Бу дьоҕус кинигэ уустук быһыыга-майгыга түбэспит дьон сөптөөх дьаһаллары тута ылынан, хоромньуну көрсүбэттэригэр көмөлөһүөҕэ. Ууга барар куттал тирээтэҕинэ бастатан туран тугу гынар ирдэнэрий, оҕону-урууну, дьиэни-уоту, сүөһүнү-аһы хайдах дьаһайылларый? Дьиэ-уот, мал-сал эмсэҕэлээтэҕинэ, туох докумуоннары толорор ирдэнэрий? Эмсэҕэлээбит киһи туох эбээһинэстээҕий уонна бырааптааҕый?
Ол туһунан барытын сиһилии ыйар «Өйдөтөр сүбэ» улуустарынан тарҕатыллан, халааны көрсөр суһал ыстааптарга итиэннэ ууга барар кутталлаах нэһилиэнньэлээх пууннар олохтоохторугар тиксэриллиэҕэ.
Раиса Сибирякова, «Саха сирэ» хаһыат, edersaas.ru
+1
+1
+1
+1
+1
+1
+1