Саас! Маай! Кыайыы!

Бөлөххө киир:

Саас! Маай! Кыайыы! СӨ кадеттар оскуола-интэринээтин үөрэнээччилэрин кэнсиэртэрэ бүгүн, ыам ыйын 8 күнүгэр буолла.

Кэнсиэр үөрүүлээх чааһын “Күн мичээр” диэн үҥкүү ансаамбыла уонна ударнай муусука инструменнарын холбуу кэлэктиибэ арыйдылар. Быйылгы кэнсиэргэ саҥа сүүрээнинэн юнармия хаамыыта буолла. Бу параады ВВПОД “Юнармия” эрэгийиэннээҕи ыстаабын салайааччыта А.Н.Кузьмин тутта.

Бэлиэтээн эттэххэ, маннык кэнсиэри номнуо бэһис төгүлүн тэрийэллэр. Бу туһунан кадеттар оскуолаларын иитэр үлэҕэ дириэктэри солбуйааччы Дария Ильинична Кириллина санаатын үллэһиннэ:
— Биһиги оскуолабыт уопсайа сылга иккитэ үгэс быһыытынан кэнсиэри тэрийэр. Бастакыбыт олунньу 23 күнүгэр Аҕа дойдуну көмүскээччилэр күннэригэр. Бу Улуу Кыайыы кэнсиэригэр бэлэмнэнии курдук буолааччы. Быйыл Саха АССР 100 сылынан Юрий Гагарин аатынан култуура киинигэр «Биһиги бииргэбит” диэн улахан бырааһынньыктааҕы кэнсиэри көрдөрбүппүт. Биһиги кэнсиэр нөҥүө оҕолору, ыччаты сырдыкка уһуйар уонна дойду устуоруйатыгар, аҕа саастаах көлүөнэҕэ ытыктабылы үөскэтэр соруктаах тэрийэбит. Бу бүгүҥҥү тэрээһиҥҥэ сыл инниттэн бэлэмнэнии үлэтэ барбыта. Биһиги маннык сыл ахсын, үгэс быһыытынан эрдэттэн бэлэмнэнэбит. Анна Яковлева, Вероника Слепцова, Станислав Артемьев салалталаах кэнсиэрпитин кыра тэрээһиннэртэн саҕалаан ис хоһооннорун уларытан, эбэн-сабан, тупсаран, дьэ, бу бүгүн үрдүк таһымнаах кэнсиэри оҕолорбут көрдөрдүлэр дии саныыбын. Бэлиэтээн эттэххэ, биэс сыл устата биһиги СӨ ИДьМ уонна «Эрдэҕэс саастаах оҕо киинин” кытта бииргэ тэрийэбит (Детский подростковый центр). Бу бииргэ, өрө күүрүүлээхтик ыкса үлэлээһинтэн тахсар түмүк буолар.

Ульяна ЗАХАРОВА.
Ааптар хаартыскаҕа түһэриилэрэ.

+1
0
+1
0
+1
0
+1
0
+1
0
+1
0
+1
0