СӨ Ил Дархана билигин дойдуга араас саансыйалар киирэннэр, тутулла турбут эбийиэктэр тохтуохтара диэн дьон куттанарын, сэрэхэдийэрин бэлиэтээтэ.
Ол туоһутунан Бүлүү куоракка тутулла турар балыыһа комплексын дьылҕатын туһунан ыйытыы киирбитэ буолла.
edersaas.ru
«Доҕоттор, куттанар наадата суох. Бүлүү улууһугар балыыһа комплекса ситэри тутуллуоаҕа. Биһиги өрөспүүбүлүкэбитигэр саҕалаабыт социальнай эбийиэктэрбитин хайаан да ситэриэхпит. Ол иһигэр, доруобуйа харыстабылын эбийиэктэрэ дьоһун суолталаахтар.
«Мин Доруобуйа уон сылын биллэрбитим. Национальнай бырайыактар, мэдиссиинискэй звенолары сайыннарыы чэрчилэринэн, өрөспүүбүлүкэ 5 бөдөҥ комплекс тутулла турар. Ол иһигэр, Чурапчыга, Бүлүүгэ, Уус Маайаҕа, Ытык Күөлгэ тутуллаллар. Бүлүү эбийиэгин тутууга боппуруос суох, арай, мэдиссиинискэй сэбилэнии боппуруостара быһаарыллыахтаахтар. Эһиги балыыһаҕыт олус күүтүүлээҕин билэбин, быйыл үлэҕэ киириэҕэ», -– диэн Айсен Николаев балыыһа аһыллыытыгар сылдьарыгар эрэнэрин туһунан эттэ.
Надежда ЕГОРОВА, «Саха сирэ» хаһыат, edersaas.ru