Уопсастыба Успуорт

Саха сирин эдэр саахыматчыттара Уһук Илиҥҥэ ситиһиилэннилэр

Саха сирин эдэр саахыматчыттарын  хамаандата Владивостокка ыытыллыбыт Уһук Илин федеральнай уокурукка бастыыр иһин күрэхтэһиигэ ситиһиилээхтик кытынна. Хамаанда СӨ Үүнэр көлүөнэтин пуондатын өйөөһүнүнэн күрэхтэстэ.

Оҕолор алта мэтээли классическай саахымакка, алта мэтээли түргэн оонньууга ыллылар.

Классическай саахымакка биһиги спортсменнарбыт тоҕус бөлөҕүнэн кытыннылар. Түмүк маннык буолла:

— 19 саастарыгар диэри уолаттарга Дьокуускайтан Никита Пестряков — 1 миэстэ;

— 17 саастарыгар диэри уолаттарга Майаттан Денис Назаров — 1 миэстэ;

— 15 саастарыгар диэри уолаттарга Дьокуускайтан Альберт Постников — 2 миэстэ;

— 11 саастарыгар диэри кыргыттарга Дьокуускайтан Валерия Слепцова — 2 миэстэ;

— 15 саастарыгар диэри кыргыттарга Дьокуускайтан Полина Пак — 3 миэстэ;

— 13 саастарыгар диэри уолаттарга Дьокуускайтан Артур Васильев — 3 миэстэ.

Оттон түргэн оонньууга Саха сирин хамаандатыттан 13 оҕо аҕыс бөлөҕүнэн кытынна. Түмүк маннык буолла:

— 17 саастарыгар диэри уолаттарга Майаттан Денис Назаров — 1 миэстэ;

— 15 саастарыгар диэри кыргыттарга Дьокуускайтан Арина Васильева — 1 миэстэ;

— 19 саастарыгар диэри уолаттарга Дьокуускайтан Игорь Протодьяконов — 2 миэстэ;

— 11 саастарыгар диэри уолаттарга Дьокуускайтан Александр Иванов — 2 миэстэ;

— 11 саастарыгар диэри кыргыттарга Дьокуускайтан Валерия Слепцова 2 миэстэ;

— 15 саастарыгар диэри кыргыттарга Дьокуускайтан Полина Пак — 3 миэстэ.


Кыайыылаахтары, миэстэлэспиттэри, күрэхтэһии кыттааччыларын эҕэрдэлиибит! Ситиһиилэри баҕарабыт!

edersaas.ru

0
0

Добавить комментарий