Саахары кууһунан атыылаһан хаһаанабыт дуу, суох дуу?

Ол гынан баран экиспиэртэр, саахары элбэҕи атыылаһартан туттунуҥ дииллэр. Тоҕо? Бастатан туран, аһы-үөлү, ол иһигэр саахары  уһуннук хаһаана сыттахха,  син биир  эргэрэр. Иккиһинэн, РФ Тыа хаһаайыстыбатын министиэристибэтэ иһитиннэрбитинэн, Арассыыйа бородуукта сүрүн көрүҥнэринэн бэйэтин толору хаһаанар. Ол иһигэр саахарынан. Оттон  объясняем.рф саайт суруйарынан, билигин собуоттар саахары оҥорон таһаарыы кээмэйин балачча үрдэппиттэр.

Аны үгүс киһи билигин, оччоҕо тоҕо маҕаһыын долбуурдарыгар саахар суох буолла диэн ыйытыахтара. Манна биир сүрүн төрүөтүнэн — нэһилиэнньэ өттүттэн аймалҕан тахсыыта буолар. Өйдүүргүт эбитэ дуу, икки сыллааҕыта, пандемия саҕаланыыта, маҕаһыынтан дьон бурдугу, саахары, гречканы атыылаһыыта олус элбээтэ дии. Билигин эмиэ дьон аһара айманан, куттанан, аһы-үөлү күүскэ атыылаһар буоллулар.