Таммах түһэр, сыана тахсар диэххэ сөп. Дьокуускайга кууһунан атыылыыр ыскылааттарга, холобур, Чернышевскай уулусса 66 №-дээх баазатыгар саахар киилэтэ 69 солк 50 харчы, мас арыыта 139-141 солкуобай буолбут.
Дьокуускайдааҕы көтөрү иитэр фабрика сымыыта түргэнник бүтэн хаалар. Сибэтиэй Паасха чугаһаан уонна суол сабыллаары гынан дэһэллэр. Онон соҕурууттан кэлии бөдөҥ сымыыт уон устуукатын 110 солкуобайга атыылаһыахха сөп.
Куорат иһинээҕи маҕаһыыннары көрдөххө, чэпчэки сыаналааҕынан биллэр “Алейкоҕа” 70 солкуобайга саахары атыылаһыахха сөп. Сорох хаһаайыстыбаннай маҕаһыыннар бородууктаны атыылыыр салааларыгар эмиэ итиччэ сыаналаах. Оттон сорох маҕаһыыннар саахардарын долбуурга олох да уурбаттар. Атын маҕаһыыннары кэтииллэр быһыылаах.
Хата, Хаҥаластан кэлэр “Павлов ИП” хойуу чөчөгөйө Чернышевскай 66 №-гэр 300 солкуобайга атыыланар буоллаҕына, куорат киинигэр, пиэрмэр лааппыларыгар 350 солкуобайга тэҥнэһэр.
Онон сыана да араас. Түһэр-тахсар. Хайдаҕын да иһин, сыана бас-баттах барбатын туһугар хонтуруол наада.
Женни Стрюкова.