Сунтаар улууһугар 24 саастаах киһи үөрүүтүн аһара бэлиэтээн кэбиһэн, дьыалаланан хаалбыт.
Ол курдук, Сунтаар полициятыгар биир киһи эрийэн, түүн билбэт эдэр киһитэ саанан кини малын ыппытын туһунан эппит. Саалаах уорбаланааччыны оперативниктар түргэнник туппуттар.
Онно биллибитинэн, бу күн кини саа атыыласпыт үөрүүтүн доҕотторун кытта бэлиэтии сылдьан, арыгылара бүппүтүгэр, куруук арыгылаах буолуон сөп диэбит киһилэригэр тиийбиттэр. Онуоха киһилэрэ батынан кэбиспитигэр, саатын тута сылдьыбыт эдэр киһи аан үрдүгэр баар лаампаны тоҕу ытан кэбиспит. Дьиэлээх киһи, биллэн турар, куттаннаҕа — тута полицияҕа тыллаабыт.
СӨ ИДьМ-тын пресс-сулууспата:
— Бу чахчынан РФ Холуобунай кодексатын 213-с ыст. 1 чааһынан, ол эбэтэр, күлүгээннээһин бэлиэтэ баарынан, холуобунай дьыала тэрилиннэ. Бу ыстатыйанан көрүллэр накаастабыл миэрэ — 300 тыһ. солк. — 500 тыһ. солк. диэри сууммалаах ыстараап биитэр 5 сылга диэри көҥүлү быһыы.
Биһиги корр., «Саха сирэ» хаһыат, edersaas.ru
Хаартыска: интэриниэттэн.