Дьокуускай куоракка 4 №-дээх полиция салаатын участковайа Лермонтов аатынан уулуссаҕа баар маҕаһыын 41 саастаах атыыһытын тутта.
Бу киһи сааһын ситэ илик оҕоҕо аһыы утаҕы атыылаабыт. Аҥардас харчы киллэрэр туһуттан атыыһыт оҕоттон пааспарын, сокуоннай сааһын сиппитин дуу, суоҕун дуу бэрэбиэркэлээбэтэх. 14.16 ыстатыйа 2.1 чааһынан «Сааһын ситэ илик оҕоҕо испиирдээх уонна этиловай испиирдээх утаҕы» атыылаабытын иһин административнай боротокуол оҥоһулунна. Санатар буоллахха, бу ыстатыйанан ыстараап суумата 30-50 тыһыынча солкуобайга тэҥнэһэр. Куорат участковайдара сааһын ситэ илик оҕолорго аһыы утаҕы атыылыылларын утарар рейдэлэри салгыахтара.
Ульяна ЗАХАРОВА, «Саха сирэ» хаһыат, edersaas.ru
+1
+1
+1
+1
+1
+1
+1