Хантан эрэ булуллубут, регистрацияламматах саа, ботуруон, ытар, дэлби тэбэр тэрил сокуоннайа суох харайыыга киирсэр буолан, Росгвардия лицензияны биэрэр киинин полицейскайдарыгар туттарыллыахтаахтар (улуустарга — Ис дьыала отделларыгар). Харчыга. Ол туһунан биһиги кэмиттэн кэмигэр иһитиннэрэбит.
Биллэрин курдук, сааны, сэби-сэбиргэли кистээн харайа, илдьэ сылдьыбыт киһи холуобунай эппиэтинэскэ тардыллар. Онон, дьыалаҕа эриллиэх кэриэтин харчы ылбыт ордук.
СӨ бырабыыталыстыбата буруйу оҥорууну сэрэтэр өрөспүүбүлүкэтээҕи бырагыраама чэрчитинэн сылын аайы бу сыалга ботуччу үп-харчы көрөр. Сыаналара маннык:
Бойобуой сэп-сэбиргэл:
Гранатомет, миномет, пулемет — 8000 солк.
Аптамаат — 8000 солк.
Бинтиэпкэ, карабин – 8000 солк.
Бэстилиэт, револьвер – 8000 солк.
Сулууспа сэбэ-сэбиргэлэ:
Бэстилиэт, револьвер — 5000 солк.
Гражданскай сэп-сэбиргэл:
Буулдьанан ытар саа, аптамаат, карабин – 8000 солк.
Булт саата – 6000 солк.
Газовай бэстилиэт, револьвер, сигнальнай бэстилиэт – 4000 солк.
Бэйэ оҥоһуута:
Буулдьа саа, сарбыдах саа – 7000 солк.
Булт саата, сарбыдах саа – 5000 солк.
Боеприпастар:
Сэнэрээт, миинэ, граната – 5000 солк.
Илии гранатата – 3000 солк.
Ботуруон – 15 солк.
Дэлби тэбэр веществолар – 3000 – 4000 солк.
Вера Макарова, «Саха сирэ» хаһыат, edersaas.ru
Хаартыска: РФ Росгвардиятын Саха сиринээҕи управлениетын пресс-сулууспата.