Бэрээдэк Маны аах

«Саа-саадах туһунан» федеральнай сокуоҥҥа уларытыылар киирдилэр

2022 сыл бэс ыйыгар «О внесении изменений в Федеральный закон «Об оружии» и отдельные законодательные акты Российской Федерации» диэн Федеральнай сокуоҥҥа уларыйыылар олоххо киирэллэрэ күүтүллэр.

Ханнык уларытыылар уонна усулуобуйалар баар буолуохтарай уонна кимнээх сааһынан хааччахтаныахтарай?

Матырыйаал СӨ Росгвардия управлениетын лицензиялыыр-көҥүллүүр үлэтин киининэн бэлэмнэннэ. Уларыйыы туһунан сиһилии милиция подполковнига Иван Гурин кэпсээтэ.

СААҺЫНАН ХААЧЧАХТАНЫЫ КАТЕГОРИЯЛАРА

Хааччахтааһын 21 сааһын ситэ илик гражданнарга тарҕаныаҕа. Хааччахтааһын саа, сэп-сэбиргэл көмөтүнэн, араас боеприпастары, эстэр бэссэсти­бэлэри уонна онуоха майгынныыр бэссэстибэлэри туһанан орто, ыарахан, олус ыарахан дьайыылары оҥорбут, сору­йан киһини өлөрүүгэ буруйданан сууттана сылдьыбыт гражданнарга тарҕаныаҕа. Маны таһынан, наркотическай, киһи психикатыгар дьайар, күүстээх сүһүрдэр дьааттары, радиоктивнай, химико-фармакологическай хабаан­наах препараттары туһанан дьон олоҕор кутталлаах дьайыы иһин сууттаммыт гражданнар киир­сиэхтэрэ. Бу ис­­пииһэги эбии ситэриэхтэрэ со­­куону кэһэн сааны, сэби-сэбиргэли эргитиигэ, терроризмҥа буруйдаммыт, ол эбэтэр экстремистскай сыаллаах дьайыыларга буруйдаммыт, сааһын ситэ илик оҕолорго күүһүнэн араас дьайыыларга иккиттэн ордук дьайыыга буруйдаммыт гражданнар.

СОКУОН ОЛОХХО КИИРИИТИН НУОРМАЛАРА

Саа, сэп-сэбиргэл дьону утары ыарахан дьайыылар куттал­лаах төрүөттэрэ буолар, ол иһин сааны бас билэр хаһаайын гражданскай-правовой эппиэтинэһи сүгэрэ бигэргэтиллэр. Сааны, сэби-сэбиргэли атыылаһарга «Ланкастер» тииптээх стволугар сверловкалаах, 140 мм нарезной “Парадокс” диэн стволлаах гладкоствольнай сааны биэс сыл устата сокуонунан көҥүллэнэн туһаммыт гражданин атыылаһара көҥүллэнэр. Бэйэни көмүскэнэргэ эбэтэр бултуурга илдьэ сылдьарга анаан элбэх иитиилээх, гладкоствольнай, уһун маҕаһыыннаах эбэтэр барабаннаах, уһун стволлаах, гражданскай¸ иккиттэн элбэҕэ суох стволлаах сааны икки сылтан итэҕэһэ суох бас билиигэ ылара көҥүллэнэр..

САА КӨҤҮЛҮН ДОКУМУОННАРЫН ДЬИҤЭ СУОХ ОҤОРООҺУН УОННА БЫЛДЬААҺЫН ТӨРҮӨТЭ

Саа көҥүлүн дьиҥэ суох оҥорооһун уонна былдьааһын төрүөтүнэн маннык түгэннэр киирсэллэр: хаһаайын сокуонунан көҥүллэммит сааны, сэби-сэбиргэли эппиэтинэһин ситэтэ суох толоруутун иһин, сааны харайар миэстэни дуоһунастаах органнар сотрудниктарынан хонтуруоллуурга утарсарын иһин, сааны туһаныы быраабылаларын кэспитин иһин;

Итирик туруктаах сылдьан доруобуйатын туругун мэдиссинискэй көрдөрүүттэн ак­­каастаныы, сааны, сэби-сэбиргэли көҥүлэ суох атыылааһын иһин;

Маны таһынан, сокуон маннык хааччахтааһыннары киллэрэр:

— Маҕаһыын нөҥүө гражданскай уһун стволлаах сааны атыылаһыы гладкоствольнай сааны икки сылтан итэҕэһэ суох туһаммыт гражданнарга көҥүллэнэр;

— СМИ уонна Интэриниэт нөҥүө сааны эбэтэр саа чаастарын оҥоруу эбэтэр уларытыы инструкцияларын тарҕатыы бобуллар;

— Росгвардия ыйыыта суох туһатыттан тахсыбыт сааны, сэп-сэбиргэли уурунуу бобуллар;

— Гражданин эбэтэр тэрилтэ туһатыттан тахсыбыт сааны, сэби-сэбиргэли Росгвардия эрэ көҥүллээх ыларыгар эппиэтинэс сүгэр;

— Тэрилтэлэр сааны, сэби-сэбиргэли охраннай сигнализациялаах, пульт тахсар сирдээх анал миэстэлэргэ харайара ирдэнэр (судаа­рыстыбаннай байыаннай тэрилтэлэртэн ураты);

— Саа көҥүлүн биэриигэ сууттана сылдьыбыт уонна итирик туруктаах транспортнай сириэстибэлэри ыытан эппиэтинэскэ тардыллыбыт гражданнарга хааччахтааһын оҥоһуллар;

— Саа сүппүтүн эбэтэр уоруллубутун туһунан ха­­һаайын Росгвардияҕа суһаллык биллэрэрэ ирдэнэр;

— Сааны харайар сири хонтуруоллуур орган сотруд­никтара бэрэбиэркэлииллэригэр аккаастанар түбэлтэҕэ саа лиссиэнсийэтэ эбэтэр көҥүлэ быһыллар.

— Бу докумуон толору тиэкиһэ СӨ Рогвардиятын Управлениетын официальнай саайтыгар көҥүл көрүүгэ та­­һаарыллыбыта, эбии лицен­зионнай, көҥүллэнэр үлэ туһунан көрүөххэ сөп. Уларыйыылар сорох балаһыанньалара Административнай Кодекс 2021 сыл от ыйын 9 күнүттэн күүһүгэр киирбиттэрин санатабыт.

0
0
Telegram @edersaas20