«Дьокуускайдааҕы көтөрү иитэр фабрика» саҥардыллыбыт сыаҕа арылынна.
Бэҕэһээ уларытыллан оҥоһуллубут, саҥардыллыбыт 14 №-дээх сыаҕы көрдөрдүлэр диэн sakha.gov.ru суруллар. Санатан эттэххэ, 1978 сыллаахха тутуллубут дьиэҕэ, 11 000 куурусса турбут. Оттон быйыл сыахха 55 680 куурусса турарыгар анаан хапытаалынай өрөмүөн ыытыллыбыт. Манна астарын-үөллэрин, ууларын-хаардарын, сылааһын-тымныытын бука барытын хонтуруоллуу, көрө-истэ олорор кыахтаммыттар. Сымыыты хомуйар «Ниагара» диэн анал тэриллэммиттэр. Онон балаҕан ыйын 8 күнүттэн кууруссалары саҥа миэстэҕэ көһөрөллөр. Итиэннэ 62 мөлүйүөн сымыыты быйылгы сылга хомуйар былааннаахтар.
Сыаҕы арыйыыга СӨ Бырабыыталыстыбатын Бэрэссэдээтэлин э.т. Андрей Тарасенко, СӨ Бырабыыталыстыбатын Бэрэссэдээтэлин солбуйааччытын э.т. Михаил Никифоров, СӨ Тыа хаһаайыстыбатын миниистирэ Александр Атласов, миниистири солбуйааччы Николай Афанасьев сылдьыбыттар.
«Дьокуускайдааҕы көтөрү иитэр фабрика» үлэтэ сайдан, кэҥээн иһэр.