“Саһарҕа хоптото” эдэр талааннары арыйыаҕа

Бөлөххө киир:

Сарсын, бэс ыйын 30 күнүгэр, Дьокуускайга “Муусука —барыбытыгар: норуоттар икки ардыларынааҕы маастар-кылаастартан – норуоттар икки ардыларынааҕы куонкурустарга”  III кэнгириэс чэрчитинэн норуоттар икки ардыларынааҕы I  “Саһарҕа хоптото” эдэр мусукааннар куонкурустара үөрүүлээхтик аһыллыаҕа.

Араас дойдулартан, Арассыыйа киин куораттарыттан уонна, биллэн турар, Саха сирин үгүс улуустарыттан куонкурус кыттыылаахтара муһуннулар.

Биир бастакынан Дьокуускайга Соҕуруу Кэриэйэттэн 20 эдэр мусукааннаах оркестр кэллэ.

—Биһиги оркестрбыт аан бастаан 2006 сыллаахха, доруобуйаларынан хааччахтаах оҕолору муусуканан эмтиир сыаллаах, Соҕуруу Кэриэйэ провинцияларыттан биирдэстэригэр Чанг  Уон  куоракка  тэриллибитэ. Онтон оҕолор сыыйа улаатаннар, 2012 сыллаахха оркестр буолбуппут. Биһиги билэрбитинэн, Арассыыйаҕа инбэлиит оҕолору иитиигэ-үөрэхтээһиҥҥэ сөптөөх болҕомто ууруллар. Онон, Дьокуускайга эмиэ маннык оркестр тэриллиэҕэ уонна биһиги салгыы бииргэ үлэлэһиэхпит диэн эрэнэбит,  — диир оркестр дириэктэрэ Чон Джи Сон.

Оркестр уопсайа 45 эдэр мусукааннаах. Дирижер – Юн Сонг Джун. Дьокуускайга 20 оҕо кэлбит. Айар кэлэктииби Аксения уонна Наталья Посельская ааттарын сүгэр Хореографическай колледж үлэһиттэрэ истиҥник көрүстүлэр, куонкурус кэмигэр оҕолор манна уопсай дьиэҕэ олоруохтара.

Бу оркестр Сеулга ыытыллыбыт инбэлиит оҕолорго аналлаах бэстибээлгэ I миэстэни ылбыта. Соторутааҕыта кэлэктиип Тайваньҥа кэнсиэртээн кэлбит. Саха сиригэр кинилэр бу бастакы сырыылара.

Татьяна Маркова.

Ааптар хаартыскаҕа түһэриилэригэр: оркестр И.Брамс. “Венгерскэй үҥкүү” (5N-х) уонна “Ариранг” Кэриэйэ национальнай ырыатын толорор; эдэр мусукаан Пак Чун Хен.

+1
0
+1
0
+1
0
+1
0
+1
0
+1
0
+1
0