Бүгүн, сэтинньи 26 күнүгэр, «Саха сирин киэн туттуута» норуот бириэмийэтин «Саҥаны айааччы» номинация биэс финалиһыттан кыайыылааҕы талар куоластааһын саҕаланна.
edersaas.ru
Номинаннар ааттарыгар 13142 куолас киирдэ. Бу күннэргэ бастыҥ «Саҥаны айааччы» номинация кыайыылааҕын аатын ылар иһин биэс финалиска куоластааһын ыытыллыаҕа.
Финалга кимнээх таҕыстылар?
— Кравец Виктория, 24 №-дээх лицей физкультураҕа учуутала, 1-11 кылаас оҕолоругар физкультура уруогар эрчиллии бырагырааматын ааптара, 51 саастаах, Нерюнгри оройуона, 1308 куоластаах. Онтон 143 — социальнай көрүҥнэргэ;
— Бушман Елена, нуучча тылын уонна литературатын учуутала, Литературнай көстүүнэйи оҥорбут, нуучча тылыгар эксээмэҥҥэ уонна олимпиадаларга бэлэмнэнии технологиятын ааптара, 54 саастаах. Нерюнгри оройуона, 1228 куоластаах. Онтон 95 — социальнай ситимнэргэ;
— Рева Василий, үрдүк категориялаах водородтаах уонна кислородтаах ууну оҥорон таһаарар аныгылыы тииптээх аппарааты толкуйдаабыт. 66 саастаах. Нерюнгри оройуона, 1000 куоластаах. Онтон 114 — социальнай ситимнэргэ;
— Борисова Наталья, Ykt.botanic олус туһалаах күөх үүнээйини үүннэрэр сити-пиэрмэни тэрийбит. 39 саастаах. Дьокуускай к. олохтооҕо. 833 куоластаах. Онтон 267 — социальнай ситимнэргэ;
— Слепцов Степан, сайылыкка сферическэй формалаах икки дьиэни уонна тэпилииссэни туппут. 65 саастаах. Үөһээ Халыма улууһун олохтооҕо. 644 куоластаах. Онтон 103 — социальнай ситимнэргэ;
Номинацияҕа кыттарга 35 киһи сайаапкатын биэрдэ. «Саҥаны айааччы» номинация кыайыылааҕа сэтинньи 30 күнүгэр биллиэҕэ.
Ахсынньы 9 күнүгэр Аҕа дойду Дьоруойдарын күннэригэр «Саха сирин киэн туттуута» норуот бириэмийэтин бырайыагын 12 номинациятын кыайыылаахтарын барыларын мунньан, үөрүүлээх быһыыга-майгыга чиэстээһин буолуоҕа. Ким туох боппуруостаах бырайыак ааптара Григорий Фоменкоҕа 89248635481 төлөпүөҥҥэ эрийэн билсиҥ.
«Саҥаны айааччы» номинацияҕа араас эйгэҕэ, норуот хаһаайыстыбатыгар туһуламмыт сонун сүүрээни, хамсааһыны күннээҕи олох таһымын тупсарыыга киллэрэн үлэлии сылдьар дьон кытталлар. Быйыл бу бүтэһик куонкурус.
КЫТААТЫҤ, ФИНАЛИСТАРГА ТАҺААРБЫТ ДЬОҤҤУТУГАР ХОТО КУОЛАҺЫ БИЭРЭН, КЫАЙЫЫЛААХ ААТЫН ЫЛАРГА КӨМӨЛӨҺҮҤ.
Елена ПОТОЦКАЯ, «Саха сирэ» хаһыат, edersaas.ru