Бырабыыталыстыба саҥа тутуулары телекоммуникация ситимигэр холбуур бэрээдэги бигэргэттэ.
Саҥа тутууларга кыбартыыралары интэриниэтинэн, тэлэбиидэнньэнэн уонна төлөпүөн сибээһинэн түргэнник хааччыйыахтара. Бу ситимнэргэ холбуур быраабыланы РФ Бырабыыталыстыбатын бэрэссэдээтэлэ Михаил Мишустин бигэргэттэ.
Докумуон Куораты тутуу кодексатын саҥа нуормаларын туһаныыга көмөлөһүөҕэ. Онон тутааччылар дьиэни бырайыактыыр уонна тутар кэмнэригэр хайыы-үйэ бу ситимнэргэ холбуур аналлаах инфраструктураны бэлэмниэхтээхтэр. Оттон сибээс оператордара дьиэни тутан үлэҕэ киллэрээттэрин кытта туох да тардылыга суох кыбартыыралары интэриниэтинэн, төлөпүөн сибээһинэн уонна тэлэбиидэнньэнэн хааччыйыахтара. Бырабыыталыстыба бигэргэппит быраабылалара тутааччы уонна сибээс оператордарын икки ардыларыгар дуогабары түһэрсии быраабылатын чопчулууллар. Бигэргэммит быраабылалар маны тэҥэ успуорт, мэдиссиинэ уонна үөрэх саҥа эбийиэктэрин уот ситимигэр холбооһуну сүрүннүөхтэрэ.
РФ Бырабыыталыстыбатын саайтыттан
Бэлэмнээтэ Женни Стрюкова
Хаартыска: тустаах саайтан