Мэйиктэр үөрүүбүтүн кэпсиибит. Ол курдук, оскуола-уһуйаан саҥа үүммүт сылы элбэх ситиһиилээх көрүстэ.
⠀⠀Ол курдук, учууталларбыт аттестациялара кинилэр идэлэригэр сөптөөхтөрүн, элбэх ситиһиилээхтэрин көрдөрдө. Василий Санников, Ньургууна Чирикова — үрдүк, Алөксандра Федорова, Геннадий Федоров бастакы категориялары көмүскээтилэр. «Инникигэ хардыы» улууска ыытыллыбыт научнай-практическай кэмпириэнсийэҕэ сылын аайы биһиги оскуолабыт үөрэнээччилэрэ ситиһиилээхтик кытталлар. Ааспыт сылга Эрчим Чириков (тиэмэтэ: «Указатель географических объектов Мэйикского наслега», салайааччы Чириков И.П,) 3-с истиэпэннээх дипломунан наҕараадаламмыта уонна өрөспүүбүлүкэтээҕи НПК-ҕа кыттыаҕа, Дарина Семенова (тиэмэтэ «Мем как способ интернет коммуникации», 5-с кылаас, салайааччы Фөдорова А.Н,) 1-кы миэстэни, Спиридонова Туйаара (тиэмэтэ «Бөҕө Боотур курун кылынан хатыы» 6-с кылаас, салайааччы Иванова А.В.) 2-с миэстэни ыллылар. Өрөспүүбүлүкэтээҕи научнай-практическай «Барахов ааҕыылара» кэмпириэнсийэҕэ Егорова Сардаана 2-с истиэпэннээх дипломунан наҕараадаланна (салайааччы Фөдорова А.Н.) Карелина Иванова (5-с кылаас) «Чысхаан бирииһэ-2021» өрөспүүбүлүкэтээҕи «Тутум эргиир» күрэхтэһиигэ 3-с миэстэни ылбыта (салайааччы Санников В.П).
⠀
⠀⠀Ити ситиһиилэри билиһиннэрэн туран, тапталлаах Мэйикпит олохтоохторун, саҥа үүммүт 2022 сылынан эҕэрдэлиибин! Саҥа сылга ситиһииилэр кэлэ турдунар, нэһилиэкпитигэр, улууспутугар үөрүүнү үксэттинэр.
⠀
Валентина ПОПОВА,
Мэйик сүрүн оскуолатын алын сүһүөх кылааһын учуутала,
Үөһээ Бүлүү.
Хаартыскалар В.Попова тиксэриилэрэ