Бары туох эрэ уратыны, үчүгэйи күүтэр кэрэ бырааһынньыкпыт, Саргылаах Саҥа дьылбыт күнэ үүннэ. Илиҥҥи халандаарынан амарах санаалаах Саһархай Сибиинньэ, саха халандаарынан Байанай сыла быйыл тугу билгэлиирий?
КУТУЙАХ (крыса) бэлиэтигэр төрөөбүттэр (1924, 1936, 1948, 1960, 1972, 1984, 1996, 2008 с.т.)
Ааспыт сылларгын ырытан көр, харгыстартан ыраастан. Сыалгын-соруккун ситиһэргэр күүскүн-уоххун уур, дьаныс. Харчыгын солуута суохха ыскайдаама. Дьиэ кэргэҥҥэр хаһааҥҥытааҕар да өйдөһүөххүт.
ОҔУС бэлиэтигэр төрөөбүттэр (1925, 1937, 1949, 1961, 1973, 1985, 1997, 2009 с.т.)
Мэһэйдэр кыралаан көстүбүттэрин иһин, үлэһит оҕус санаабытын ситиһиэ. Саҥа былааннары толкуйдаа. Уларыйыылартан куттаныма. Сыраҥ түмүгэ көстүө. Доруобуйаҕын умнума, сынньанар туһунан эмиэ толкуйдаа. Соҕотох сылдьар дьон олохторун аргыһын көрсүөхтэрин сөп.
Баабыр бэлиэтигэр төрөөбүттэр (1926, 1938, 1950, 1962, 1974, 1986, 1998, 2010 с.т.)
Ыра санааҥ уонна бэйэҕин албыннаныыҥ уратылаахтарын өйдүөҥ. Дьиэҕэр-уоккар хаһааҥҥытааҕар да истиҥ сыһыан үөскүө. Үксүн чугас дьонуҥ аттыларыгар сырыт. Кэллиэгэлэргин кытары уопсай тылы буларга кыһалын. Быйыл соһуччу сүүйүү эбэтэр хамнас, дуоһунас үрдээһинэ көстөр.
Куруолук бэлиэтигэр төрөөбүттэр (1925, 1937, 1951, 1963, 1975, 1987, 1999, 2011 с.т.)
Кыра мэһэйдэртэн кыйыттыма, тулуурдаах буол, холкутуй. Быһаччы быһаарыыны оҥорума. Тапталлааххын күтүрээмэ, оччоҕо эрэ сыһыаҥҥыт тупсуо. Соҕотох сылдьааччылар олохторун оҥостуохтара. Хамнаһыҥ эбиллиэ эбэтэр дуоһунаһыҥ үрдүө.
Дракон бэлиэтигэр төрөөбүттэр (1928, 1940, 1952, 1964, 1976, 1988, 2000, 2012 с.т.)
Үлэҕэр, үөрэххэр ситиһии күүтэр. Төһө да барытыгар көхтөөхтүк кыттыбытыҥ иһин, доруобуйаҕар болҕомтоҕун уур. Сөпкө утуй, эккин-хааҥҥын дьарыктаа, иҥэмтиэлээх аһы аһаа. Элэккэй, кэпсэтинньэҥ буол. Дьиэ кэргэҥҥэр нус-хас олох, истиҥ сыһыан олохсуйар.
Моҕой бэлиэтигэр төрөөбүттэр (1953, 1965, 1977, 1989, 2001, 2013 с.т.)
Дьол чуумпуну сөбүлүүр. Тапталгар табыллыаҥ. Үптээх-харчылаах буолуоҥ. Үлэҕэр да үчүгэй. Кылаабынайа, дьон санаатын иһит. Бэйэҥ ис туругуҥ тугу этэрин өйдөөтөххүнэ, доруобуйаҥ этэҥҥэ. Үлэҕин, тус олоххун дьүөрэлээ.
Сылгы бэлиэтигэр төрөөбүттэр (1954, 1966, 1978, 1990, 2002, 2014 с.т.)
Үлэҕэр салалтаҕын кытта тыл-тылга киирсимиэххин сөп. Киэҥ көҕүстээх, тулуурдаах буоларга кыһалын. Дьон санаатын болҕойон иһит. Элбэх кэлии-барыы, айан күүтэр. Сөбүлүүр дьарык чэгиэнник сылдьаргар тирэх буолуоҕа.
Коза бэлиэтигэр төрөөбүттэр (1955, 1967, 1979, 1991, 2003, 2015 с.)
Сэрэйэн көрөр дьоҕургар итэҕэй, хорсун буол, ыарахантан толлума. Туруоруммут сыалгын толорорго, эбээһинэһи тиһэҕэр тиэрдэргэ кыһалын. Киэҥ көҕүстэннэххинэ, доруобуйаҥ да этэҥҥэ буолуо. Үбү-харчыны солуута суох ыһыма.
Эбисийээнэ сылыгар төрөөбүттэр (1944, 1956, 1968, 1980, 1992, 2004, 2016 с.)
Атыыга-тутууга, биисинэскэ, эргитиигэ-урбатыыга табыллар кыаҕы биэрэр сыл. Ситиһиилэниэххин баҕарар буоллаххына, тулуурдаах, болҕомтолоох буол. Кыһалҕалаахха көмөлөс. Сыл түмүгэр үтүөҥ үтүөнэн эргийиэ. Минньигэһинэн үлүһүйүмэ, чэгиэн буоларга дьулус.
Бөтүүк сылыгар төрөөбүттэр (1945, 1957, 1969, 1981, 1993, 2005, 2017 с.т.)
Ситиһиилэргин ыһа-тоҕо кэпсээмэ, ордугурҕааччылар көстүөхтэрэ. Сорудаҕы кэмигэр толор. Сыл түмүгэр сыраҥ сыаналаныа. Туора дьон этэрин өйдөөн-дьүүллээн иһит. Бэрдэ суох дьону чугаһатыма, саарбахтартан тэйэ тутун. Албыҥҥа-көлдьүҥҥэ киирэн биэриэххин сөп. Үлэҕин, сынньалаҥҥын дьүөрэлээ.
Ыт сылыгар төрөөбүттэр (1946, 1958, 1970, 1982, 1994, 2006, 2018 с.т.)
Сыл устатыгар үлэҕэр, олоххор кыралаан уларыйыы-тэлэрийии тахсыа. Онтон дьулайыма. Кылаабынайа ылсыбыккын ыһыктыма, саҕалаабыккын ситэр. Айан суола элбиир чинчилээх. Билсиһииҥ-көрсүһүүҥ да кэҥиэ. Тапталгын харыстаа, чугас дьоҥҥор бэриниилээххин көрдөр.
Сибиинньэ сылыгар төрөөбүттэр (1947, 1959, 1971, 1983, 1995, 2007 с.т.)
Бэйэҥ сылыҥ бэйэҕэр “мичик” гынар. Онуоха сүрэхтээхтэр ордук ситиһиилэниэхтэрэ. Хаһаайыстыба хаҥыыр, биисинэс табыллар сыла. Үлэҕэр кэллиэгэлэриҥ өйөбүллэрин сыаналаа. Дуоһунаһыҥ үрдүө, хармааныҥ халыҥыа. Үксүгүт бас билэр дьиэлэниэххит-уоттаныаххыт. Тапталга табыллыы күүтэр. Сэрээккэ туһалаах буолуоҕа.