Сүрүн Уопсастыба

Саҥа сыл кырачааннара балыыһаттан сэртипикээттээх таҕыстылар

Бэҕэһээ саҥа сыл бастакы сууккатыгар төрөөбүт оҕолор балыыһаттан үөрүүлээх быһыыга-майгыга таҕыстылар.

2022 сылга кырачааннарга күн сирин көрдөрбүт ийэлэргэ өрөспүүбүлүкэ Ил Дархана Айсен Николаев бигэргэппит 100 тыһыынча солкуобай кээмэйдээх тус сыаллаах хапытаалын «Сүүс  сыл оҕолоро» сэртипикээтин туттардылар.
Саҥа сыл бастакы күнүгэр барыта 23 оҕо күн сирин көрдө.
СӨ доруобуйа харыстабылын миниистирэ Лена Афанасьева кырачаан ийэлэри эҕэрдэлииригэр:
«Бу күн төрөппүттэргэ эрэ буолбакка, биһиэхэ барыбытыгар олус суолталаах. Бүгүн өрөспүүбүлүкэбит 100 сылыгар төрөөбүт оҕолору балыыһаттан таһаарарга бастакы үөрүүлээх сиэр-туом ыытылынна. Ким эрэ быйыл аан бастаан ийэ буолла, ким эрэ ийэ буолуу дьолун номнуо билбитэ. Эһиэхэ барыгытыгар кытаанах доруобуйаны баҕарабын. Ийэ доруобуйатыттан бүттүүн дьиэ кэргэн доруобуйата тутулуктаах», -– диэтэ.
Манна даҕатан эттэххэ, 2021 сылга өрөспүүбүлүкэҕэ 12 024 оҕо төрөөбүтэ, ол иһигэр 6 145 уол уонна 5 879 кыыс.

Надежда ЕГОРОВА, «Саха сирэ», edersaas.ru

1
0
Telegram @edersaas20