ТУОСКА, ТИРИИГЭ ШТАМПАНАН ОЙУУ ТҮҺЭРЭН ОҤОҺУК ОҤОРУУТА
Ньургун Александров-Барылан, Чия Александрова ааптардардаах кинигэ “Якутия медиа-холдинг” типографиятыгар бэчээттэнэн атыыга таҕыста.
Үйэ уларыйан, кэм-кэрдии ааспытын да иһин, уруккуну сөргүтэн, дьон-сэргэ туостан арааһы бары оҥорор буолла диэн киирии тылга этиллэр. Маныаха уһанарга-иистэнэргэ үлэни түргэтэтэр, киэргэтэр үнүстүрүмүөн баар буоллаҕына, үлэ хаамыыта сыыдамсыйар диэн ааптардар суруйаллар.
Кинигэҕэ үлэ хара саҕаланыаҕыттан бэртээхэй сүбэ-ама бэриллэр. Туттуллар тэрил уонна матырыйааллар; Туоһу хастааһын, таҥастааһын, харайыы; Киэп оҥоруута, дэтээллэри кырыйыы; Штампаларынан өтүйэнэн охсон ойуу түһэриитэ; Туоһу өҥнөөһүн; Штампалары атын матырыйаалга, холобур, тириигэ, полимернай туойга туһаныы туһунан, о.д.а. үлэ хас биирдии хаамыыта сиһилии быһаарыллыбыт, хаартыскаларынан ситэриллэн-хоторуллан биэрбит.
ОҔОЛОРГО АНЫГЫЛЫЫ ХАЛАДААЙ БЫЛААЧЫЙАЛАР, КЭҺИЭЧЧИКТЭР
Анал бэлэм киэптээх кинигэни Вероника Бубякина уонна Айталина Алексеева бэлэмнээбиттэр.
Бу хас биирдии хаһаайкаҕа олус туһалаах уонна наадалаах кинигэҕэ киэби хайдах устар туһунан, кээмэйдэр табылыыссалара, иистэнэргэ туох ирдэнэрэ, халадаайы тигии ньымата, кистэлэҥэ, о.д.а. олус туһалаах сүбэлэрдээх.
Үлэ хас биирдии хардыыта хаартыскалардаах. Анал киэптээх буолан, иистэниэн баҕалаахтарга улахан көмөлөөх буолара саарбахтаммат.
Кинигэлэри Бэчээт дьиэтин киоскатыттан ылыаххытын сөп.