Култуура Маны аах

Саҥа кинигэ: «Дьолу булбут дьоһун олох»

Бэҕэһээ,  алтынньы 15 күнүгэр, Сунтаар улууһун Уустуйа бибилэтиэкэтин
көҕүлээһининэн, Сунтаардааҕы Леонид Попов аатынан бибилэтиэкэ үлэһиттэрэ Иванов С.П. уонна Алексеева М.Л. өйөөһүннэринэн уонна көмөлөрүнэн,
Сунтаар улууһун уонна Уустуйа нэһилиэгин Бочуоттаах олохтооҕо, үлэ бэтэрээнэ,
Саха Өрөспүүбүлүкэтин норуотун хаһаайыстыбатын үтүөлээх үлэһитэ Догойдонов Валентин Николаевич дойдутун, дьонун сайдыыларын иннигэр олус бэриниилээх киһи, салайааччы, уопсастыбанньык, ыччакка холобур буолар олоҕун туһунан, кэргэнэ Е.И.Догойдонова ахтыы кинигэтин сүрэхтэниитэ буолан ааста.

Үөрүүлээх тэрээһиҥҥэ кыттыыны ыллылар
Сунтаар улууһун баһылыгын имиджевай политикаҕа солбуйааччыта Еремеев Г.М,
Сунтаар улууһун бэтэрээннэрин сэбиэтин бэрэссэдээтэлэ Васильев А.К., Уустуйа баһылыга Попов А.И.,
Сунтаардааҕы В.Николаев аатынан норуодунай тыйаатыр салайааччыта Григорьева Е.А., Валентин Николаевич бииргэ үөрэммит үөлээннээҕэ Уһун Күөлтэн Кларова К.П., Дьокуускай куораттан балта Эверстова Ф.Д. уонна тапталлаах кыыһа Еремеева М.В.
Аныгы ирдэбил сиэринэн тэрээһиммит кэтэхтэн зуум нөҥүө ыытылынна. Ону ол диэбэккэ элбэх киһи холбонон Валентин Николаевич туһунан истиэн баҕалаах киһи элбэх эбит диэн кэргэнэ уонна тэрийээччилэр үөрдүбүт, астынныбыт. Валентин Николаевич туһунан элбэх сүрэхтэн тахсар истиҥ тыллары, ахтыылары иһиттибит.
Түгэнинэн туһанан бары кыттыыны ылбыт дьоммутугар,иһирэх истээччи буолбут ыалдьыттарбытыгармахтал тылларын этэбит.

 

Уустуйа бибилэтиэкэтэ

0
0
Telegram @edersaas20