Саха дьоно сарсыарда аайы «Саха» НКИХ ханаалга сөбүлээн көрөр «Саҥа Күн» («Новый день») биэриилэрэ сайын устата үлэтин тохтоппот.
Биэрии бэнидиэнньиктэн бээтинсэҕэ диэри сахалыы уонна нууччалыы тылынан сарсыарда аайы 7:00 чаастан көстөр. Сайыҥҥы эфиргэ сэрэдэ аайы ханаал инстаграм-сирэйин нөҥүө көрөөччүлэргэ бириистэри түҥэтэр.
Күннэтэ устуудьуйаҕа интэриэһинэй ыалдьыттар кэлэллэр, тоҕоостоох тиэмэлэри суруналыыстар тутатына сырдаталлар. Холобур, сарсын «Архивный гриф» бырайыак туһунан кэпсиэхпит. Бу бырайыак нөҥүө былыргы кассеталары, VHS, киинэ пленкаларын босхо цифровой дискэҕэ көһөрүөхтэрин сөп. Оттон даачалаах дьон анаммыт сирдэргэ бэйэлэрин үүнээйилэрин, оҕуруоттарын аһын батарыахтарын сөбүн туһунан көрүҥ, сэргээҥ.
Чэппиэргэ доруобуйа харыстабылын министиэристибэтин үлэһиттэрэ «Демография» национальнай бырайыак туһунан кэпсиэхтэрэ. Кинилэр оҕо төрөөһүнүн, оҕолоноору сылдьар төрөппүттэр олохторун тупсарыы туһунан сырдатыахтара.
«Бээтинсэҕэ биллэр психолог Александр Ушницкая ыалдьыттыаҕа. Кини үөрэххэ киирбит уларыйыылар, «Дьиэ кэргэн уонна оҕо-аймах академията» интернет-портал туһунан сэһэргиэҕэ», — диэн кэпсиир «Саха» НКИХ быһа эфирдэрин редакциятын салайааччы Ольга Пухова.
#саха_нких_сонуннара