Саҥа дьылтан табахсыттары эбии кыһарыйыахтара

Ааптар: 
01.01.2021
Бөлөххө киир:

Тохсунньу 1 күнүттэн табаҕы утары ылыныллыбыт сокуон кытаатар саҥа түһүмэҕэ олоххо киирэр. 2013 с. ылыныллыбыт сокуон хас да түһүмэҕинэн табаҕы бобор миэрэлэри сыл аайы киллэрэн иһэр. Бу сылтан ыла мэдиссиинэ тэрилтэлэригэр, атыы-эргиэн сирдэригэр уонна ыскылааттарга табахтааһын бобуллуоҕа.

Бу сирдэргэ табаҕы тардарга аналлаах суругунан бэлиэтэммит миэстэлэр тэриллиэхтэрин сөп. Табахтыыр сиргэ тэрилтэлэр салайааччылара баһаартан куттал суох буолуутун инструкциятын уонна табах буортутун туһунан сэрэтиини ыйыыр эбээһинэстээхтэр.

2013 сылтан Арассыыйаҕа үөрэх, култуура, успуорт тэрилтэлэригэр табаҕы тардары бобор сокуон үлэлиир. Вокзал таһыгар, аэропортар, муора уонна өрүс портарын таһыттан 15 миэтэрэ тэйэн эрэ баран табахтыахха сөп. Табахтааһыны олоччу бобуу судаарыстыбаннай уорганнарга, оҕо былаһааккаларыгар, сөтүөлүүр сирдэргэ уонна социальнай сулууспаларга тарҕанар.

Бу иннинэ Доруобуйа харыстабылын министиэристибэтэ табаҕы тардыбат дьон табах буруотун тастан эҕирийэллэрэ элбэх ыарыыны көбүтүөн сөбүн биллэрбитэ. Итинник табахтааһын ордук күүстээх дьайыыны (пассивнай) оҕолорго оҥорор. Саҥа үүнэн эрэр организмҥа табах буруота сүрэх ыарыыларыгар, тыҥа, тымыр мөлтөөһүнүгэр тиэрдиэн сөп.

«Саха сирэ» хаһыат, edersaas.ru

Хаартыска: Центр безопасности труда

+1
0
+1
0
+1
0
+1
0
+1
0
+1
0
+1
0