Дьокуускайга элбэх оҕолоох ыалларга анаан Саҥа дьыллааҕы бэлэх оҥорорго ким баҕалаах кыттыһар.
Ахсынньы 10 күнүттэн 20 күнүгэр диэри бэлэх оҥоруон баҕалаахтар оонньуур, кинигэ, кэнсэлээрийэ мала-сала, минньигэс аҕалан «Үөрүү хоппотугар» («Коробка радости») угуоххутун сөп.
Аахсыйаны «Биир ньыгыл Арассыыйа эдэр гвардеецтара» «Добро в действии» үтүө санааланыы пуондата уонна «Граф биэрэгэ» Дьокуускай куорат социальнай өйөбүлгэ уопсастыбаннай түмсүүтэ тэрийдилэр. Волонтердар киирбит бэлэхтэри дезинфекциялыыллар. Бэлэхтэр ахсынньы 25 күнүгэр оҕолорго туттарыллыахтаахтар.
Оҕолорго Саҥа дьылы көрсө бэлэхтэрин биэриэн баҕалаахтар Дьокуускай куорат Аммосов уул. 18 №-гэр, 4 мэндиэмэҥҥэ, 4/5 хоско илдьэн туттараҕыт.
+1
+1
+1
+1
+1
+1
+1