Дьокуускайга Саҥа Дьыл түүн 200 кэриҥэ суһал көмө оҥоһулунна диэн СӨ Доруобуйа харыстабылын министиэристибэтин пресс-сулууспата иһитиннэрэр.
Манна барыта 25 биригээдэ үлэлээтэ, олор истэригэр реанимационнайдар эмиэ киирсэллэр. Балартан икки биригээдэ саҥа сыл үүнүүтүн, түүн 12 чааһы көлүөһэ үрдүгэр, суһал көмөнү оҥоро баран иһэн көрүстэ диэн суруллар.
Дьуһуурустуба ахсынньы 31 күнүгэр киэһээ 20.00 чаастан тохсунньу 1 күнүгэр сарсыарда 08.00 чааска диэри үлэлиир. Бу кэм устатыгар өрөспүүбүлүкэ киинигэр быраас көмөтүгэр наадыйан барыта 197 ыҥырыы киирбит. Суһал көмөнү оҥорор 25 биригээдэҕэ 85 үлэһит үлэлиир: 59 медик уонна 26 суоппар.
Суһал көмөнү оҥорор сулууспа күүһүрдүллүбүт эрэсииминэн Саҥа дьыл күнннэригэр тилэри үлэлиир. Дьокуускай куоракка уонна улуустарга Суһал көмөнү оҥорор ыстаансыйалар төгүрүк суукка, өрөбүлэ уонна бырааһынньык күнэ суох үлэлииллэр.
Суһал көмөҕө маннык ньүөмэринэн эрийиллэр: 03 (стационарнай төлөпүөнтэн), 103 (суотабайтан). Ону сэргэ, 112 эрийиэххэ сөп.
СӨ Доруобуйа харыстабылын министиэристибэтин пресс-сулууспата