Ахсынньы 15 күнүттэн тохсунньу 15 күнүгэр диэри бары ас-үөл тэрилтэлэрэ 23 чааска эрэ диэри үлэлиэхтэрэ.
edersaas.ru
Ил Дархан Айсен Николаев маны таһынан, оҕо тэрилтэлэригэр Саҥа дьыллааҕы тэрээһиннэр ыытыллар былааннарын бигэргэттэ. Бу докумуоҥҥа олоҕуран, бырааһынньыктааҕы тэрээһиннэр бары быраабыланы тутуһан, уһуйааннарга уонна оскуолаларга үлэһиттэр уонна төрөппүттэр кыттыыта суох ыытыллыахтара. Толоруулаах былаас уонна муниципальнай тэрллиилэр салайааччыларыгар Саҥа дьыллааҕы бырааһынньык тэрээһиннэригэр дьону мунньаллара бобулунна,былааннаах үлэ барыта куйаар ситиминэн эрэ ыытыллыахтаах. Бу быраабыла, коронавирус сыстыганнаах дьаҥа бэлиэтэммит түбэлтэтэ баарыттан дуу, суоҕуттан тутулуга суох, өрөспүүбүлүкэ бары нэһилиэнньэлээх пууннарыгар тутуһуллуохтаах.
Бу туһунан күнүскү брифиҥҥэ вице-премьер Ольга Балабкина иһитиннэрдэ.
Елена ПОТОЦКАЯ, «Саха сирэ» хаһыат, edersaas.ru
Хаартыска:Андрей Сорокин (СИА)