Саҥа дьыл бырааһынньыктарыгар үлэлээбит миэдиктэргэ – икки бүк төлөбүр
Дойду бэрэсидьиэнин сорудаҕынан, коронавирустаабыт ыарыһахтарга көмөлөһөр миэдиктэр уонна социальнай үлэһиттэр Саҥа дьыллааҕы бырааһынньыктарга үлэлээтэхтэринэ икки бүк эбии төлөбүрү (надбавка) ылыахтара.
“Биһиги быйыл, 2021 сылга коронавирустаабыт ыарыһахтары кытта үлэлээбит, үлэлиир, үлэлэрин салҕыыр миэдиктэргэ уонна социальнай үлэһиттэргэ Саҥа дьыл бырааһынньыктарыгар икки бүк анал эбии төлөбүрү (выплата спецнадбавок) хааччыйбыппыт. Бырабыыталыстыба 2022 сыллааҕы Саҥа дьыллааҕы бырааһынньыктарга эмиэ ити курдук төлөбүрү көрөрө буоллар”, — диэн Владимир Путин Бырабыыталыстыба чилиэннэригэр ыыппыт мунньаҕар эттэ.
РФ үпкэ министиэристибэтин салайааччыта Антон Силуанов иһитиннэрбитинэн, бу сыалга анаан 8 млрд солк. тахса суума көрүллүөҕэ.
edersaas.ru
Хаартыска: Андрей СОРОКИН (СИА).