СӨ үөрэҕин, наукатын уонна доруобуйатын харыстабылын миниистирдэрэ ананнылар. Ити туһунан СӨ Ил Дархана Айсен Николаев бэйэтин телеграмыгар үллэстэр.
Ол курдук, СӨ доруобуйатын харыстабылын миниистиринэн алтынньыттан эбээһинэһи толорооччунан олорбут Лена Афанасьева, СӨ үөрэҕин уонна наукатын миниистиринэн, бастакы солбуйааччынан үлэлээбит Ирина Любимова ананнылар.
Евгений Перфильевы СӨ экологияҕа, айылҕаны туһаныыга уонна ойуур хаһаайыстыбатыгар миниистирин эбээһинэһин толорооччунан анаата.
Ыспыраапка
Перфильев Евгений Андреевич
Үөрэҕэ: үрдүк
2005 с. – М.К. Аммосов аатынан СГУ география учуутала идэтин бүтэрбитэ,
2017 с. – М.К. Аммосов аатынан ХИФУ иһинэн “судаарыстыбаннай уонна муниципальнай управление” исписээлинэһигэр эбии үөрэммит,
Үлэтэ:
2005-2006 сс. – Дьокуускайдааҕы гидрометеорология уонна тулалыыр эйгэни кэтээн көрөр управление инженер-метеоролога,
2006-2018 сс. – “Дьокуускай” холбоһуктаах гидрометеорологическай ыстаансыйа начаалынньыга,
2018 с. – СӨ экологияҕа, айылҕаны туһаныыга уонна ойуур хаһаайыстыбатыгар миниистиэристибэтин үрдүкү судаарыстыбаннай иниспиэктэрэ,
2018 с. балаҕан ыйын 25 к. – СӨ Ил Түмэн Судаарыстыбаннай Мунньаҕын хонтуруоллуур кэмитиэтин бэрэссэдээтэлэ,
2013-2018 сс. – Дьокуускай куорат III ыҥырыытын дьокутаата,
2018 с. күн бүгүҥҥэ диэри СӨ Ил Түмэн Судаарыстыбаннай Мунньаҕын хонтуруоллуур кэмитиэтин бэрэссэдээтэлэ.
СӨ Ил Дарханын уонна СӨ Бырабыыталыстыбатын дьаһалтатын салайааччыта Афанасий Владимиров бэйэтин баҕатынан дуоһунаһыттан босхолонно. Кини оннугар Георгий Николаевич Михайлов ананна.
Ыспыраапка
Михайлов Георгий Николаевич
Үөрэҕэ: үрдүк
1978 сыллаахха алтынньы 9 күнүгэр Сунтаар оройуонун Сунтаар сэлиэнньэтигэр төрөөбүтэ. 2001 сыллаахха Москватааҕы энергетическэй институт “оптотехника, инженер” исписээлинэһин, 2010 сыллаахха Уһук Илиҥҥи судаарыстыбаннай сулууспа академиятын “үп уонна кирэдьиит” исписээлинэһин бүтэрбитэ.
Үлэтэ:
2001-2003 сс. – “ТКД-3000” ХЭУо гранильнай оҥорон таһаарыы технолога,
2003-2004 сс. – “Кристалл-99” ХЭУо гранильнай оҥорон таһаарыы технолога,
2004 с. – “Дьокуускайдааҕы үүт собуота” ААУо программиһа,
2004 с. – “Ардах плюс” ХЭУо программиһа,
2004-2008 сс. СӨ Бырабыыталыстыбатын бэрэссэдээтэлин бастакы солбуйааччытын сэкирэтэрэйээтин старшай референэ,
2008-2010 сс. – СӨ бэрэсидьиэнин сэкирэтэрэйээтин салайааччытын солбуйааччы,
2010 с. – СӨ бэрэсидьиэнин сэкирэтэрэйээтин салайааччытын эбээһинэһин толорооччу,
2010-2011 сс. – СӨ Бырабыыталыстыбатын бэрэссэдээтэлин сүбэһитэ,
2011-2012 сс. СӨ Бырабыыталыстыбатын бэрэссэдээтэлин бастакы солбуйааччытын сэкирэтэрэйээтин салайааччыта,
2012-2018 сс. – “Дьокуускай куорат” куораттааҕы уокурук баһылыгын солбуйааччы – Дьокуускай куорат дьаһалтатын аппараатын салайааччыта,
2018 с. – СӨ Ил Дарханын сэкирэтэрэйээтин салайааччыта.
“Саха сирэ” хаһыат, edersaas.ru
Хаартыска: https://pro100news.info/obshhestvo/grafologiya-podrobnyjj-analiz-podpisi-2.html