Саха Өрөспүүбүлүкэтин Ил Дарханын 2018 сыл кулун тутар 31 күнүнээҕи Ыйааҕынан СӨ Ил Дарханын иһинэн хоруупсуйаны уонна атын быраабы кэһиилэри сэрэтиигэ управление салайааччытын солбуйааччытынан Елена Яковлевна Горохова ананна.
Горохова Е.Я. 1977с. Дьокуускай куоракка төрөөбүтэ. 2000 с. Ураллааҕы государственнай юридическай академия прокуратураҕа институтун бүтэрбитэ.
2000с. үлэтин Булуҥ улууһугар прокуратураҕа силиэдэбэтэлинэн саҕалаабыта.
2003-2016 сс. прокурор, федеральнай сокуон туолуутун хонтуруоллуур старшай прокурор, СӨ Прокуратуратын хоруупсуйаны утары сокуон туолуутун хонтуруоллуур старшай прокурор.
2016-2018сс. иниспикэтэр, РФ Саха сиринээҕи сэлиэстийэлиир комитетын управлениетын старшай иниспиэктэрэ.
Саха Өрөспүүбүлүкэтин Ил Дарханын 2018 сыл кулун тутар 31 күнүнээҕи Ыйааҕынан Ил Дархан Информационнай киинин салайааччытынан Павел Николаевич Кириллин ананна.
Кириллин П.Н. 1968с. Бүлүү улууһун II Күүлэт нэһилиэгэр төрөөбүтэ. 1992с. СГУ историяҕа салаатын, 2003 с. Судаарыстыбаннай сулууспа хотугулуу-арҕаа академиятын бүтэрбитэ.
1992-1993 сс. СГУ лаборана.
1993-1995 сс. Дьокуускай к. дьаһалтатын ыччакка, туризмҥа, физическэй култуураҕа уонна спорка отделын сүрүннүүр исписэлииһэ.
1995-1999 сс. СӨ Ыччакка туризмҥа, физическэй култуураҕа уонна спорка министиэристибэтин отделын начаалынньыга.
1999-2005 сс. «Саха» НКИХ бэрэсидьиэнин сүбэһитэ.
2005-2006 сс. СӨ Ыччакка туризмҥа, физическэй култуураҕа уонна спорка Госкомитетын отделын начаалынньыга.
2006-2007 сс. «Ситим-Медиа» дириэктэрин солбуйааччы, СӨ Бырабыыталыстыбатын бэрэссэдээтэлин секретариатын старшай референэ.
2008-2018сс. СӨ «Телевидениенэн уонна радионан биэриитин техническэй киинин” Генеральнай дириэктэрин солбуйааччы.
Марианна ТЫРТЫКОВА, «Саха сирэ», edersaas.ru