Саха сиригэр өссө үс саҥа айти-киин аһыллыаҕа. Булуҥҥа, Алдаҥҥа уонна Аммаҕа бу сыл бүтүүтэ кииннэр олоххо киириэхтэрэ.
Санатан эттэххэ, бу хамсааһын биһиги өрөспүүбүлүкэбитигэр 2018 сылтан күргүөмнээхтик ыытыллан, билигин 14 улууска айти-кииннэр аһыллыбыттара. Сунтаарга, Мэҥэ Хаҥаласка, Намҥа, Орто Халымаҕа, Ньурбаҕа, Уус Алдаҥҥа, Хаҥаласка, Мирнэйгэ, Кэбээйигэ, Тааттаҕа, Горнайга, Өлөөҥҥө, Дьааҥыга уонна Чурапчыга аһыллан үлэлии тураллар. Айти-кииннэр “Цифровая экономика” национальнай бырайыагынан тутуллаллар.
Ил Дархан Айсен Николаев Анал этиитигэр айти-технологияны сайыннарыыга ураты болҕомтотун ууран турар. “Айти-технологияны биһиги хайа баҕарар сайыннарар кыахтаахпыт. Бу эйгэҕэ билигин түөрт тыһыынчаттан тахса киһи үлэлии-хамсыы сылдьар, 2018 сыллаахха тыһыынчаттан эрэ тахса кини этэ”, – диэн бэлиэтиир Айсен Сергеевич.
Аграфена КУЗЬМИНА