СӨ Судаарыстыбаннаһын күнүгэр наҕараадалар туттарылыннылар

Бөлөххө киир:

Балаҕан ыйын 27 күнүгэр — Саха Өрөспүүбүлүкэтин Судаарыстыбаннаһын күнүгэр, Ил Дархан Айсен Николаев үрдүк наҕараалары туттарда.

Ол курдук маннык наҕараадаларга араас хайысхаҕа үлэлиир, айар-тутар дьон тигистилэр. Бу туһунан Ил Дархан Айсен Николаев : «Бүгүҥҥү күҥҥэ Саха сирэ Уһук Илиҥҥи экономическэй сайдыыга инники күөҥҥэ сылдьар. Бу саха норуотун өҥөтө буолар. Бүгүҥҥү күҥҥэ СӨ Судаарыстыбаннаһын күнэ өрөспүүбүлүкэбит 100 сыллаах үбүлүөйүн көрсө бэлиэтэнэр. Биһиги инникитин даҕаны саха норуотун олоҕо-дьаһаҕа тупсарыгар бииргэ улахан соруктары быһаарыахпыт», — диэтэ Ил Дархан. Наҕараадаламмыт дьон аатыттан «Сиинэ» сынньалаҥ паарка салайааччыта Иван Андреев тыл эттэ. Кини айылҕа, тулалыыр эйгэ харыстабылыгар сүҥкэн кылаатын иһин СӨ бочуоттаах олохтооҕо ааты ылла: «Бары наҕараадаламмыт дьон аатыттан үлэбитигэр-хамнаспытыгар маннык үрдүк сыанабылыҥ иһин, өрөспүүбүлүкэбит Ил Дарханыгар Айсен Сергеевичкэ улахан махталбытын тиэрдэбин. Ытыктыыр, эрэнэр Ил Дархаммыт илиититтэн маннык бочуоттаах наҕарааданы ылар үөрүүбүтүн икки бүк үрдэттэ», — диэн Иван Андреев махтанна. Бэлиэтээн эттэххэ, наҕараадаланар күҥҥэ суруйааччы, бэйиэт Наталья Михалева норуодунай суруйааччы үрдүк аатыгар тигистэ.

Ульяна ЗАХАРОВА.

+1
0
+1
0
+1
0
+1
0
+1
0
+1
0
+1
0