Кэнники сылларга көмүөл ааһар кэмигэр көһүтүллүбэтэх өттүттэн уларыйыылар тахсыталааннар, саас аайы эбэлэрбит эмискэ халаанныыллар, бүтүн нэһилиэнньэлээх пууннар олоччу ууга бараннар, улахан ороскуот, хоромньу тахсар. Ол эрээри халаантан көмүскэнэр уонна сэрэтэр дьаһаллар аҕыйах сылтан бэттэх былааннаахтык ыытылланнар, мууспут ардыгар этэҥҥэ ааһааччы.
edersaas.ru
Бу күннэргэ Хабаровскай куоракка ыытыллыбыт сүбэ-мунньахха СӨ бырабыыталыстыбатын бэрэссэдээтэлин солбуйааччы Алексей Колодезников, Өлүөнэҕэ хас да улууска, ол иһигэр Намҥа, Хаҥаласка, Өлүөхүмэҕэ уонна Дьокуускайга итиэннэ Халыма уонна Амма өрүстэригэр муус харыыта үөскүөн сөбүн иһитиннэрдэ. Хоту улуустарга хаар өлгөмнүк түһэн, Орто Халыма Сыбаатайыгар, Арҕахтааҕар, Аллараа Халыма Андрюшкинотыгар ыксаллаах быһыы-майгы үөскүөн сөп. Вице-премьер бэлиэтээбитинэн, өрөспүүбүлүкэ 24 муниципальнай тэриллиитин 123 нэһилиэнньэлээх пууна ууга барар кутталлаах.
Өрүстэргэ харыы тахсыан сөптөөх сирдэринэн 68 учаастакка мууһу кэбирэтии үлэлэрэ ыытыллыахтааҕын эбэн эттэ.
Анивера АКИМОВА, edersaas.ru
+1
+1
+1
+1
+1
+1
+1