Сэтинньи 25-29 күннэригэр, Новай Уренгой куоракка, Арассыыйаҕа хотугу многоборьеҕа бастыыр иһин күрэхтэһиигэ Саха сириттэн 14-15 саастаах оҕолор кытыннылар.
Күөн күрэс түһүлгэтигэр Магадан уобалаһыттан, Красноярскай, Хабаровскай кыраайдартан, Ямал-Ненец АУо, Саха сириттэн барыта 50-ча спортсмен кыттыбытын туһунан Баһылай Манчаары аатынан успуорт национальнай көрүҥнэрин киинэ иһитиннэрбит. Саха сириттэн Үөһээ Бүлүү оскуолатын 9-с кылааһын үөрэнээччитэ Эльдар Мандаров, Чурапчытааҕы успуорт оскуолаҕа 9 кылааска үөрэнэр Анна Егомина, Үөһээ Бүлүүттэн лиссиэй 9 кылааһыгар үөрэнэр Ванесса Морфунова кыттыбыттар. Тириэньэрдэрэ — Раиса Григорьева.
Биэс күн устатыгар спортсменнар үс төгүл төхтүрүйэн ыстаныыга, мэһэйдэрдээх сирдэринэн сүүрүүгэ, ыраахха сүгэни быраҕыыга, тынзяны быраҕыыга, наартаны үрдүнэн ойууга илин-кэлин түһүспүттэр.
Күрэхтэһии түмүгүнэн, спортсменнар үһүөн 10 мэтээли ылары ситиспиттэр.
+1
+1
+1
+1
+1
+1
+1