«Үһүс саас оскуолата» уопсастыбаннай көҕүлээһин үлэтэ өрөспүүбүлүкэҕэ ситиһиилээхтик салҕанар.
Уопсастыбаннай тэрилтэ иһитиннэрбитинэн, пандемия саҕаланарыгар 900 чугаһыыр киһи дьарыктаммыт. Оскуола коронавирус дьаҥа туруоҕуттан, дьарыгы ыраахтан олорон салҕаабыт. Ааспыт сыл муус устар ыйыттан онлайн-дьарыктар zoom платформанан ыытыллыбыттар. Бэлиэтэнэринэн 31 дьарыкка 500 киһи кыттыбыт.
«Демография» национальнай бырайыак Арассыыйа олохтоохторун үйэлэрин уһатарга үлэлэһэр, оннук сыалы туруорар. Маныаха олоҕу, үйэни уһатары сэргэ, кырдьар сааска бэйэни сатаан көрүнэн сылдьар буоларга болҕомтотун уурар.
«Коронавирус кэмигэр бэйэни хааччахтанан олоруу эрэсиимигэр аҕам саастаах көлүөнэ доруобуйата мөлтөөтө. Хамсаныы-имсэнии хааччахтаныыта гиподинамияҕа тиэрдэр. Онно эбии соҕотохсуйуу, чуҥкуйуу, дьаҥтан куттал эбиллэр. Итинник истириэстэн уонна бүгэн хаалыыттан тууйуллан, дьарҕалара көбөн тахсыан сөп. Уулуссаҕа тахсыахтарын да куттанар дьон бааллар», — диэбит «Росбалт» интервьютугар онколог, геронтолог, РНА иһинэн Геронтологическай уопсастыба бэрэсидьиэнэ, РНА чилиэн-корреспондена, бэрэпиэссэр Владимир Анисимов уонна туохтан барытыттан олус дьулайыы, дьаахханыы эмиэ кутталы үөскэтэрин ыйбыт.
«Үһүс саас оскуолатын» тэрийээччилэрэ хааччахтаныы миэрэлэрэ уһуллубуттарын кэнниттэн, оскуолаҕа куттал суох буолуутун тэрийии, аҕам саастаахтар туохтан да дьааххаммакка, куттаммакка сылдьар усулуобуйаларын тэрийии улахан суолталаах, наадалаах буолуоҕун бэлиэтээбиттэр.
«Тус чинчийиибин көрдөххө, zoom платформаҕа 300 киһиттэн ыйытыыга маннык түмүк тахсар: дьахталлар — 90%, эр дьон -10%, пандемия саҕаланыытыгар оройуоннарга -13% киһи тахсыбыт. Кыбартыыраларыгар бүгэн олоруу — 17%, коронавирустан куттаныы — 100% , доруобуйаларын туруга мөлтөөбүт уонна дьарҕарбыт ыарыылара бэргээбит — 63% , көрсөн олорон сэһэргэһиигэ наадыйааччылар, оскуолаҕа сылдьалларын ахтыбыттар — 100%. Курсистартан сүрүннээн үксүлэрэ куоракка бэйэни хааччахтанан олороллор. Саамай уйаҥ категорияҕа соҕотоҕун олорор биэнсийэлээхтэр киирэллэр. Бэйэни хааччахтанан олоруу түмүгэр үксүлэрин доруобуйаларын туруга мөлтөөбүт, ити ыйытыллыбыттар бары коронавирустан дьаахханаллар. Бу ыйыллыбыттары учуоттаан туран, бүгүҥҥү күҥҥэ, аҕам саастаахтар олохторун хаачыстыбатын үрдэтэргэ, чэгиэн олохтонон уһуннук олороллоругар туһуланар социальнай бырайыактар суолтаны ылаллар.
«Үһүс саас оскуолата» пандемия кэнниттэн аҕам саастаахтар олохторун хаачыстыбатын тупсарарга, саастарын уһатарга туһаайан, доруобуйаны чэбдигирдэр, социальнай, айар бырайыактарынан тардар, кытыннарар эбии усулуобуйалары тэрийэр сыалы-соругу туруорар. Былаан быһыытынан 34 тыһыынчаттан тахса киһини хабар соруктаахтар.
https://mintrud.sakha.gov.ru/news/front/view/id/3271810
+1
+1
+1
+1
+1
+1
+1