СӨ үһүс саас оскуолата аҕам саастаахтар бириэмэлэрин туһалаахтык атааралларыгар болҕомтотун уурар.
Ол чэрчитинэн, тэрээһиннэри куйаар ситиминэн тиһиктээхтик тэрийэн ыытар. Аҕыйах хонуктааҕыта «Культура Вилюйского улуса: наследие, традиции, современность» кинигэ биһирэмэ бэрт сэргэхтик ыытылынна. Бүгүн куйаар ситиминэн «Заболевания органов дыхания» киэҥ кэпсэтии тахсар. Сарсын, от ыйын 27 күнүгэр, «Познай себя» диэн киһи уйулҕатыгар, өйүгэр-санаатыгар туһуламмыт сэһэргэһии уонна «Бүлүү офицердара уоттаах сэриигэ» кинигэ биһирэмэ былааннаналлар. Салгыы ыйы түмүктүү күн ахсын бииртэн-биир сэргэх, сэҥээрдэр көрсүһүүлэргэ, тэрээһиннэргэ ыҥыраллар. Ол курдук, «Эмтээх оттор» бэсиэдэ, санаа атастаһыыта, «Точечнай массаас» дьарык, «Чочу нэһилиэгэ тэриллибитэ 250 сыла» куйаар ситиминэн көрсүһүү, психолог чааһа былааннанан тураллар.
Тэрээһиннэр нэдиэлэ бастакы күнүттэн бэһис күнүгэр диэри күн ахсын 16.00-19.00 ч. диэри ыытыллалларын иһитиннэрэллэр.
Маннык аадырыһынан киирэн көрөҕүт: https://us02web.zoom.us/j/4669636842?pwd=jq8XQt3ANpNFtFUkQV8D2KPr2x4B
Идентификатор: 466 963 6842
Код: 12345
Тэрээһиннэр СӨ Үлэ уонна социальнай сайдыы министиэристибэтин, СӨ Уопсастыбаннай палаататын өйөбүллэринэн Zoom былаһааккатыгар ВКС эрэсииминэн ыытыллаллар. Ким баҕарар кыттара көҥүл, ахсааҥҥа хааччах суох. Үһүс саас оскуолата өрөспүүбүлүкэ 13 улууһугар ситиһиилээхтик үлэлиир диэн СӨ Үлэ уонна социальнай сайдыы министиэристибэтин пресс-сулууспата иһитиннэрэр.
+1
+1
+1
+1
+1
+1
+1