Маны аах Тырааныспар

Үс саҥа көлө Бүлүү бөлөх улуустарга айанныа

Иһэр ууну таһарга аналлаах үс саҥа массыына Сунтаар улууһугар Элгээйигэ уонна Кириэстээххэ, Ньурбаҕа Күндээдэҕэ ыытыллаллар.

Бу туһунан СӨ ОДьКХ уонна энергетикэ министиэристибэтин пресс-сулууспата иһитиннэрэр.
«СӨ Үүнэр көлүөнэ тус сыаллаах пуондатынан Бүлүү бөлөх улуустар иһэр уунан хааччыллалларыгар анаан үс анал массыына ылылынна. Бу нэһилиэнньэ доруобуйатын харыстыыр сыаллаах-соруктаах туруоруллубут Ил Дархан сорудаҕа толоруллар», — диэн ОДьКХ уонна энергетикэ миниистирэ Вячеслав Емельянов иһитиннэрдэ.
Бүлүү бөлөх улуустары уунан хааччыйыы ситимин сайыннарыы өрөспүүбүлүкэтээҕи бырагыраама 2019 сылтан үлэлиир. Итиэннэ манна уунан хааччыйар эбийиэктэри тэрийии, саҥардан оҥоруу, ууну ыраастыыр модульнай ыстаансыйалары туруоруу, уу таһар көлөнү ылыы, геологоразведочнай үлэни тэрийии, уу ыстаансыйатын тутуу эрдэттэн учуоттанар.
Уунан хааччыйыы ситимин сайыннарыы тэрээһинин олоххо киллэрии СӨ Ил Дархана Айсен Николаев «Об экологическом благополучии Республики Саха (Якутия)» ыйааҕынан ыытыллар.
0
0
Telegram @edersaas20