Сүүс сылга — сүүс кыттааччы

Ааптар: 
Бөлөххө киир:

Дьокуускайга Арассыыйа норуоттарын култуураларын үйэлээх баайын сылынан, онус төгүлүн бэлиэтэнэр СӨ норуот маастарын күнүнэн үгэс буолбут «Якутия мастеровая» быыстапка-дьаарбаҥка кулун тутар 2-6 күннэригэр буолла.

Быйылгы тэрээһиҥҥэ САССР 100 сылынан, Арассыыйа 13 эрэгийиэниттэн эспиэрдэр, учуонайдар, искусствоведтар кытыннылар. Үлэ түөрт хайысханан ыытылынна. Ол курдук, 1. Быыстапка-дьаарбаҥка, күрэхтэһиилэр. 2.Кыһыҥҥы таҥастаах хаамыы. 3.НПКлар, төгүрүк остуоллар. 4.И.И.Элякова анал быыстапката
Бу үөрүүлээх тэрээһиҥҥэ Таатта улууһа Саха АССР төрүттэммитэ 100 сылынан 100 кыттааччыны кытыннарда.  Үөрүүлээх тэрээһиҥҥэ улуус бары нэһилиэктэриттэн иистэнньэҥнэр, уустар бастыҥ үлэлэрэ көрдөрүлүннэ, Таатта улууһа махтал суругунан наҕараадаланна, чороон бэлэх туттарылынна.

Сахабыт Сирин уран тарбахтаахтара, норуот маастардара тикпит сахалыы кыһыҥҥы таҥастарын кэтэн хаамыылара, Дьокуускай куорат уулуссатыгар биир кэрэ, дьоһун көстүү буолла.
СӨ Бырабыыталыстыбатын дьиэтигэр норуоттар икки ардыларынааҕы «Традиции и современность в искусстве народных художественных промыслов и ремесел народов Крайнего Севера, Сибири и Дальнего Востока»  диэн научнай-практическай кэмпириэнсийэҕэ Г.Г.Вырдылин «Популяризация народных художественных промыслов в событийных мероприятиях на примере деятельности МБУ «Улусного дома народного творчества» МР «Таттинский улус»» М.В.Степанова дакылаатынан кытынна. А.Е.Кулаковскай аатынан норуоттар доҕордоһууларын дьиэтигэр «Локальное в глобальном. Креативность в традициях народных художественных промыслах» — диэн төгүрүк остуолга «Креативный арт кластер СДЕЛАНО В ТААТТЕ» уонна «Креативные проекты «Узоры Таатты» на основе традиционного национального шитья» темаларынан кыттыыны ылла итиэннэ «Якутия Мастеровая» күрэхтэһиилэригэ, быыстапкаларыгар дьүүллүүр сүбэнэн үлэлээтэ.

Бу сылы көрсө Изабелла Элякова «Хара ииһим хайҕала» быыстапкатыгар Ааллаах Үүн таһаҕасчыттарын таҥаһа, Таатта саары этэрбэстэрэ, хаттык хары таҥастар уо.д.а сөҕүмэр дьикти өбүгэлэрбит таҥастара Былатыан Ойуунускай литературнай музейыгар кулун тутар 4 күнүгэр үөрүүлээхтик аһыллан кулун тутар 20 күнүгэр диэри туруоҕа.

Ситиһиилэрбит: «СӨ НОРУОТ МААСТАРА» үрдүк аат Федотова Мария Петровнаҕа (Таатта нэһ.) туттарыллынна. «САХА ӨРӨСПҮҮБҮЛҮКЭТИН УУС-УРАН ОҤОҺУК МААСТАРА»
— Изабелла Иннокентьевна Элякова, Вячеслав Васильевич Яроев ааттаннылар. Норуот маастара Ф.И.Чярин «Гордость Якутии» онлайн куоластааһыҥҥа иккис миэстэ. Ону таһынан «Народное искусство — национальное достояние» региональнай быыстапкаҕа Элякова Изабелла Иннокентьевна «Изделия из меха и кожи. Валяние» — III ст. диплом, «Испэ туос»(сал. Макарова П.В, Баайаҕа) «Художественная обработка бересты» — II ст. диплом, Сабарайкин Василий Васильевич «За лучшее колористическое решение» — II ст. диплом, Сидорова Марфа Афанасьевна — махтал сурук, Лопатин Василий Васильевич — грамота, Тарабукин Эдуард Эдуардович — махтал сурук, Билюкин Сарыал Константинович — махтал сурук, Элякова Изабелла Иннокентьевна — почетная грамота, Чярин Федор Иванович — махтал сурук, Васильев Леонид Степанович — махтал сурук, Улуустааҕы норуот айымньытын дьиэтин дириэктэрин солбуйааччыта Марианна Вячеславовна Степановаҕа Ил Түмэн Государственнай Мунньах бэрэссэдээтэлин солбуйааччыта А.А.Григорьева махтал суруга туттарылынна.

«Якутия мастеровая» быыстапка-дьаарбаҥкаҕа уопсайа Таатта иистэнньэҥнэригэр уонна уустарыгар 500 тыһыынча кэриҥэ үп киирдэ. Бу курдук култуура нэһилиэстибэтин сылын ситиһиилээхтик саҕалаабыппытыттан кынаттанан туруоруммут сыалбытын ситиһэргэ, саҥа саҕахтары арыйарга турунабыт.
Улууспут баһылыгар М.М. Соровка, Баайаҕа баһылыгар Р.Р.Романовка, Туора-Күөл баһылыгар О.Д.Осиповка, Чөркөөх баһылыгар А.П.Семеновка, Чычымах баһылыгар С.С.Соровка, Уолба баһылыгар А.А.Винокуровка, Дэбдиргэ баһылыгар Е.А.Марковка уо.д.а бары көмөлөспүт дьоммутугар дириҥ махталбытын тиэрдэбит!

Тааттатааҕы норуот айымньытын дьиэтин пресс-киинэ.

Хаартыскалар Г.Вырдылин тиксэриилэрэ

+1
0
+1
0
+1
0
+1
0
+1
0
+1
0
+1
0