Сүүс бааллаахтар Ил Дархантан сүүстүү тыһыынча солкуобайы тутуохтара
Быйыл өрөспүүбүлүкэбитигэр 20-тэн тахса үөрэнээччи биир кэлим эксээмэҥҥэ муҥутуур баал ылла. Ил Дархан Айсен Николаев этиитинэн, быйыл эксээмэннэрин 100 баалга туттарбыт оҕолор сүүстүү тыһыынча солкуобай бириэмийэ тутуохтара.
Билиҥҥи туругунан, өрөспүүбүлүкэ үрдүнэн 23 үөрэнээччи эксээмэннэрин 100 баалга туттарбыттара билиннэ. Икки үөрэнээччи Назар Павлов уонна Виталий Красиков икки эксээмэннэригэр муҥутуур баалы ыланнар, Ил Дархантан иккис сүүстүү тыһыынча солкуобайы тутуохтара.
– Бу саҥа киллэриини учууталлар да, үөрэнээччилэр да олус үөрэ истибиттэрэ. Билигин үгүс киһи бу саҕалааһыны салгыы ыытыаххайыҥ дииллэр. Билигин 23 үөрэнээччи эксээмэҥҥэ сүүстүү баалы ыллылар. Ону сэргэ икки үөрэнээччи икки эксээмэнин сүүстүү баалга туттарда. Мин санаабар, бу талааннаах оҕолорбутун өйүүрбүтүгэр үчүгэй хамсааһын. Онон бу саҕалааһыммытын салгыы ытыахпыт дии саныыбын, – диэн этэр Ил Дархан Айсен Николаев бүгүн “Саха” НКИХ “Якутия, вперед!” биэриитигэр.
Аграфена КУЗЬМИНА