Аркадий Алексеев бирииһигэр өрөспүүбүлүкэтээҕи ырыа күөн күрэһэ 6-с төгүлүн ыытыллар.
Күндү ааҕааччы, сахалыы ырыаны таптааччы! Эһигини бу дьыл атырдьах ыйын 24-25 күннэригэр Мэҥэ Хаҥалас улууһун I Тыыллыма нэһилиэгин А.М.Алексеев аатынан Култуура комплексыгар кэрэ-бэлиэ тэрээһин күүтэр.
Ол курдук, манна, Саха норуодунай артыыһа, Саха хомсомуолун бириэмийэтин лауреата, Мэҥэ Хаҥалас, Кэбээйи, Үөһээ Бүлүү улуустарын Ытык киһитэ, Дьокуускай куорат уонна Саха Өрөспүүбүлүкэтин Бочуоттаах гражданина, РФ Суруналыыстарын сойууһун чилиэнэ, биллиилээх самодеятельнай композитор Аркадий Михайлович Алексеев айбыт, саха дьоно уостан түһэрбэккэ ыллыыр ырыаларын дьоҥҥо-сэргэҕэ өссө киэҥник тарҕатар, саҥа талааннары арыйар, аҕам саастаах ырыаһыттары өйүүр сыаллаах-соруктаах “Сүрэхтэр кэпсэтэр кэмнэрэ” аһаҕас ырыа күөн-күрэһэ 6-с төгүлүн ыытыллар.
Куонкуруска 30-тан 75 сааһыгар диэри дьон кытталлар: соло, дуэт
(биирдиилээн уонна дуэтынан толорооччулар эрэ кытталлар, ансаамбыл, квартет, трио киирбэт).
Идэтийбит ырыаһыттар кыттыбаттар.
Кыттааччыттан 2 ырыа ирдэнэр. Биирэ хайаан даҕаны А.М.Алексеев ырыата буолар. Иккис ырыа – көҥүл тиэмэҕэ.
Хаачыстыбалаах фонограмма, тыыннаах доҕуһуол ирдэнэр (плюсовка көҥүллэммэт).
Дьүүллүүр сүбэ толорооччу куолаһын (вокал), ырыа ис хоһоонун толору арыйыыны, сыанаҕа сөпкө тутта-хапта сылдьыыны, тупсаҕай көстүүлээх таҥаһы сыаналыыр.
Күөн-күрэскэ кыттыы иһин биирдиилээн дьонтон төлөбүр 1000 солкуобай. Кэлии-барыы ороскуотун кыттааччы бэйэтэ уйунар. Харчыга буфет үлэлиир. Хонор сир хааччыллар.
Куонкурус 2 күннээх буолар. I туур атырдьах ыйын 24 күнүгэр сарсыарда 10 чаастан саҕаланар. Сарсыарда 8-10 ч. эрэпэтииссийэ кэмэ.
Күнүс 15 чаастан куонкуруһу үөрүүлээхтик аһыы.
Атырдьах ыйын 25 күнүгэр сарсыарда 9 ч. аатырбыт саха баайа, меценат, сахалартан бастакынан 1-кы гильдиялаах атыыһыт Манньыаттаах алааһыгар, олорбут сиригэр экскурсия, көмүс уҥуоҕар сүгүрүйүү.
Эбиэт кэнниттэн күнүс 15 чаастан Гала-кэнсиэр, түмүгү таһаарыы, кыайыылаахтары наҕараадалааһын.
Ырыа күөн-күрэһин түмүгүнэн кыайыылаахтарга Гран-при, 1,2,3-с истиэпэннээх лауреат, 1,2,3-с истиэпэннээх дипломант ааттара иҥэриллэр.
А.М.Алексеев анал бирииһэ туттарыллар.
Анал ааттар олохтоноллор.
Маннык төлөпүөннэринэн билсиэххитин сөп:
Култуура управлениета 8-(41143)-41-501, ukdrmaya2015@mail.ru
“I Тыыллыма нэһилиэгэ” МТ 8-(41143)-26-459
А.Алексеев аатынан МФКК 8-(41143)-26-424
cот: 89644285188 Никифоров Виталий, 89627339552 Юлия Григорьевна.