“Сүрэхтэн сүппэт ырыалар»

Ааптар: 
Бөлөххө киир:

Таатта улууһугар Дьохсоҕон, Чөркөөх, Тыараһа уонна Даайа Амма нэһилиэктэрэ аҕам саастаахтар күннэрин дэкээдэтин иитинэн, куйаар ситиминэн «Сүрэхтэн сүппэт ырыалар» диэн куонкуруһу биир сүбэнэн тэрийэн ыыттылар.

Хоруона хамсыгыттан дьону-сэргэни сэргэхситэр, уопсастыбаннай олоххо көҕүлүүр сыаллаах-соруктаах тэриллибит күөн күрэскэ ити түөрт нэһилиэктэн 13 киһи кыттыыны ылбыт. Күрэстэһээччилэр ырыаларын видеоҕа устан батсаабынан ыыппыттар. «Сөбүлүүр ырыаларбытын ыллааммыт, ис сүрэхпититтэн санаабыт көтөҕүлүннэ. Эрчимирбиккэ дылы буоллубут » диэбиттэр күрэс кыттыылаахтара. Кинилэр ыыппыт видеоларын үс киһиттэн састааптаах дьүүллүүр сүбэ көрбүт. Дьүүллүүр сүбэҕэ  Чөркөөхтөн уус-уран самодеятельность көхтөөх кыттааччыта Татьяна Еремеевна Охотина, Тыараһа нэһилиэгин орто оскуолатын музыкаҕа учуутала Нарыйа Аркадьевна Баснаева, Дьохсоҕонтон СӨ култууратын туйгуна Евдокия Петровна Попова талыллан үлэлээбиттэр.

Түмүккэ I миэстэни Иван Собакин (Чөркөөх), II миэстэни Петр Туласынов (Чөркөөх), III миэстэни Анна Иванова (Тыараһа) ылбыттар. “Өбүгэ ырыатын утумнааччы” анал аат Мария Сабарайкинаҕа (Чөркөөх),
“Ылбаҕай ырыаһыт” анал аат Полина Моттуеваҕа (Кыйы) бэриллибиттэр. Кыайыылаахтар уонна номинаннар грамотанан, бириистэринэн, онтон атын кыттааччылар туоһу суругунан наҕараадаламмыттар.

Дьүүллүүр сүбэ кыттыылаахтара: «Ыллам ырыаҕытын аргыс оҥостон, тэрээһиннэргэ куруук көхтөөхтүк кыттыҥ», — диэн баҕа санааларын тиэрдэллэр.

+1
0
+1
0
+1
0
+1
0
+1
0
+1
0
+1
0