Сүрэх-тымыр киинин тутааччылар наҕараадаланнылар
5,6 миллиард суумалаах, 150 куойка-миэстэлээх, үрдүк мэдиссиинискэй технологияларынан сэбилэммит саҥа Сүрэх-тымыр киинэ аһыллар үөрүүлээх күнүгэр үрүҥ халааттаах аанньаллары сэргэ, тутааччыларга, эбийиэк үлэҕэ киирэригэр кылааттарын киллэрбит дьоҥҥо Саха Өрөспүүбүлүкэтин судаарыстыбаннай наҕараадалара туттарылыннылар.
Доруобуйа харыстабылыгар, тутууга, өрөспүүбүлүкэ социальнай-экэнэмиичэскэй сайдыытыгар кылааттарын уонна өр сыллаах үтүө суобастаах үлэлэрин иһин наҕараадаланнылар:
«Саха Өрөспүүбүлүкэтин үтүөлээх тутааччыта» бочуоттаах аатынан -– Николай Петрович Скрыбыкин, «Сэттэ СМУ» ХЭУо дириэктэрэ;
СӨ Ил Дарханын Грамотатынан -– Кирилл Евгеньевич Бычков, СӨ бырабыыталыстыбатын бэрэссэдээтэлин бастакы солбуйааччы;
СӨ Ил Дарханын Грамотатынан Павлов Владислав Григорьевич -– «Сэттэ СМУ» ХЭУо үлэтин тэрийээччи;
«Гражданскай килбиэн» бэлиэнэн -– Михаил Альбертович Мурашко, РФ доруобуйа харыстабылын миниистирэ.
СӨ Ил Дарханын Махтал суругунан -– Ольга Викторовна Григорьева, «Сэттэ» ХЭУо дизайнера.
Надежда ЕГОРОВА, «Саха сирэ», edersaas.ru
Мария ВАСИЛЬЕВА (СИА) түһэриилэрэ
