Өрөспүүбүлүкэтээҕи 1 №-дээх балыыһаҕа-Мэдиссиинэ национальнай киинигэр күн аайы сүрэх тымырыгар үрдүк технологиялаах миниинвазивнай эпэрээссийэлэр оҥоһуллаллар. Эпэрээссийэ көдьүүстээхтик ыытылларыгар Philips Azurion ангиографическай систиэмэ туһалыыр. Комплекс кыра да тыктарыыга экраҥҥа көстүү хаачыстыбатын хааччыйар.
Сүрэх-тымыр киинин эпэрээссийэлиир отделениетыгар күн аайы 5-10 миниинвазивнай эпэрээссийэ оҥоһуллар.
Коронография көмөтүнэн быраас эмтэнээччи тымырдарынан хаан сүрэххэ тиийэрин мониторин экраныгар көрөр. Бу ньыма хаан эргиирин тэтимин кэтээн көрөр, тымырдар бүөлэниилэрин эбэтэр кыараабыттарын көрөр кыаҕы үөскэтэр. Онон быраас артерия кыараабыт сирин чопчу көрөр.
Мэдиссиинэ национальнай киинин исписэлиистэрэ этэллэринэн, сүрэх тымырдарыгар төрүөхтэриттэн баар дьиэги быһаарарга көмөлөһөр. Коронарнай тымырдары уларытыы наада буоллаҕына (шунтирование), коронографияҕа эпэрээссийэ оҥоһуллуохтаах сирэ быһаарыллар.
Надежда ЕГОРОВА, «Саха сирэ», edersaas.ru