Нам улууһун «Сүүрээн» бааһынай хаһаайыстыбата киин куоракка Лермонтов уулуссаҕа, «Олох-дьаһах департамена» тохтобул сылаас дьиэтигэр маҕаһыын арыйда.
edersaas.ru
– Дьоҕус маҕаһыыны арыйарга биэрбит сайаапкабын куорат дьаһалтата учуоттаан, куорат киинигэр сылаас тохтобулга миэстэ биэрбитигэр үөрэбин, – диир хаһаайыстыба баһылыга Александр Жирков. – Оҕуруот аһыгар 2014 сылтан дьарыктанабын. Бородууксуйабын тиксиһиннэрээччи нөҥүө батарар этим, оттон билигин бэйэм атыылыыр кыахтанным. Манна оҕуруот аһын таһынан, Намтан киллэриллэр үрүҥ ас эмиэ атыыланар буолуоҕа.
Онон куорат бу түөлбэтин олохтоохторо сибиэһэй оҕуруот аһын дьиэлэрин таһыттан атыылаһар кыахтаннылар.
Раиса Сибирякова, «Саха сирэ» хаһыат, edersaas.ru
+1
+1
+1
+1
+1
+1
+1