Сүүрбэ сыл: “Бичик” хардыыта

Бөлөххө киир:

С.А.Новгородов аатынан «Бичик» национальнай кинигэ кыһатын кэлэктиибэ дьон-сэргэ тугу ааҕыан баҕарарын таба тайанарга сыал-сорук туруорунан, олох дохсун сайдыытын учуоттаан үлэлиир. Маннык соруктаах үлэлиир тэрилтэни СӨ норуотун хаһаайыстыбатын  үтүөлээх үлэһитэ Август Васильевич Егоров салайбыта 20 сыл буолла.

edersaas.ru


Бүгүн «Куруһаала» эргиэн киинигэр “Бичик”  кинигэ кыһата бу кэм устатыгар тугу үлэлээн кэлбитин бэлиэтиир долгутуулаах дьоро күнэ.

 Евдокия Иринцеева-Огдо, «Кэскил», «Юность Севера» өрөспүүбүлүкэтээҕи хаһыаттар кылаабынай эрэдээктэрэ:

-«Бичик» кинигэ кыһата эгэлгэ кэмҥэ араас таһымнаахтык, ардыгар өйөбүллээх даҕаны, сороҕор харгыстаах да кэмнэри этэҥҥэ ааһыталаан, күн бүгүн кыаҕырыы таһымыгар үлэлиир диэтэххэ омун буоллаҕай.

Август Васильевич Егоровы, мин кинигэ суруйар эйгэҕэ сыстыахпыттан бэркэ билэбин уонна кини салайааччы быһыытынан ырааҕы анаарар, субу күн ирдэбилиттэн тэттэн, аны 10-20 сылынан, норуотугар билиини-сайдыыны саҕар бу ураты кыһаны туох күүтэрин сатаан барыллыыр, үлэ хаамыытынан өтө сэрэйэр сэдэх уратытын бэлиэтиибин.

Ол иһин, «Бичик» кинигэ маҕаһыыннара баай атыылаахтар, кинигэ оҥоруутун эгэлгэ холобурдара дэлэгэй.

Сардаана БАСНАЕВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0