Нам улууһугар кэллэксийэниэрдэр «Ситим» түмсүүлэрин Мария Аманатова салайар. Соторутааҕыта П.П.Ядрихинскай-Бэдьээлэ аатынан Олоҥхо дьиэтигэр түмсүү 14 чилиэнэ мустан, интэриэһинэй быыстапканы тэрийдэ.
edersaas.ru
Кэлбит ыалдьыттары саламааттаах алаадьынан, алгыһынан, оһуохайынан көрүстүлэр. Уопсайа, 15 араас кэллиэксийэ туруорулунна. Бары анал ааттары ылан, туоһу суруктарынан бэлиэтэннилэр.
“Кэрэхсэбиллээҕэ диэн, кэллэксийэниэрдэр ахсааннара сылтан сыл аайы эбиллэн иһэр. Ол курдук, быйыл түмсүү Егор Егорович, Валерия Степановна, Анна Даниловна курдук талааннаах дьонунан эбилиннэ”, — диэн салайааччы астына кэпсээтэ.
Мария Аманатова дьүүллүүр сүбэҕэ: Нам улууһун дьиэ кэргэн отделын начаалынньыга Мария Михайловнаҕа, култуура отделын салайааччытыгар уонна кылаабынай режиссер Иван Степановичка махталын биллэрдэ.
Ону сэргэ, бу күн Мария Аманатова сөрүөнэн олбох оҥорорго үөрэттэ.
Ураты махталын Олоҥхо дьиэтин исписэлиистэрэ Октябрина Гаврильевнаҕа, Туйаара Афанасьевнаҕа, Сандаар Александровичка, Вера Васильевнаҕа, алгыһынан арыаллаабыт Светлана Николаевнаҕа, оһуохай тылын көтүппүт В.Хоруловка, Вера Цыпандинаҕа уо.д.а. киэҥ бырагыраамалаах икки күннээх тэрээһини ыытары өйөөбүттэригэр уонна көмөлөспүттэригэр махтанна.
Надежда ЕГОРОВА, “Саха сирэ”, edersaas.ru