Маны аах Уопсастыба

Сүр оһуокайын кэнниттэн күн тыкта

Бүгүн Саха АССР 100 сылыгар анаммыт сүр оһуокайа Комсомольскай болуоссакка буолла. Оһуокайга дьон чахчы даҕаны санаата, сүрэ көтөҕүллэн туран кытынна.

Федорова Татьяна, Мэҥэ Хаҥалас улууһун олохтооҕо:

— Мин Саха АССР 100 сылыгар анаммыт бары тэрээһиннэргэ сарсыарда уон чаастан сырыттым. Кузьма Осипович Гаврилов пааматынньыгар биһиги, Бүтэйдээхтэр сибэкки уурдубут. Онтон сэлэлээн хаамыыга эмиэ кытынным. Ол кэнниттэн дьэ, манна Комсомольскай болуоссакка кэлэн «Добун» оһуокайга сылдьан баран үргүлдьү  сүр көтөҕөр оһуокайга эмиэ сырыттым. Тэрээһини наһаа астынным. Оһуокайы элбэхтэ тэрийэн ыччаты көҕүлүөххэ баар эбит дии санаатым.

Александр Яковлев, Горнай улууһуттан төрүттээх:

— Мин Горнай улууһуттан төрүттээхпин. Мин бу күҥҥэ дьэ, анаан сылдьаары эрдэттэн бэлэмнэммитим. Инньэ гынан бу сарсыардаттан бары буолар тэрэһини көрдүм, оһуокайга да кытынным. Наһаа үчүгэй тэрээһин буолла. Дьон хамсык кэмигэр хаайтаран олорбута тута биллэр. Онон дьон-сэргэ тоҕуоруһан кэлбитэ санааны көтөҕөр. Сүр оһуокайыгар бу Виталий Очиров эппитин-тыыммытын кэнниттэн күммүт былыт быыһыттан быган кэллэ. Чахчы, киһи сүрүн көтөҕөр оһуокай эбит.

Ульяна Захарова.

Ааптар хаартыскаҕа түһэриилэрэ.

2
0
Telegram @edersaas20