Соторутааҕыта “Талбан” биэриигэ хантырааҕынан сулууспалыы барыы ымпыгын-чымпыгын туһунан кэпсэттилэр.
Чечняҕа бастакы хампаанньа кыттыылааҕа, “Хорсунун иһин” мэтээллээх Александр Колесов санаатын маннык үллэһиннэ:
— Украинаҕа хантырааҕынан баран, харчы өлөрүү диэн – иккис өрүтэ буоллаҕа. Бастакы, сүрүн өрүтэ – Аҕа дойдуну көмүскээһин буолар. Анал дьайыы туохтан тахсыбытын бары билэбит – арҕааҥы дойдулар Украина нөҥүө Арассыыйаны мөлтөтө, Донецкайга, Луганскайга олорор нуучча дьонун хам баттыы сатаан, ытыалаан, нуучча тылын бобон, манныкка тиийдэхпит.
Өскөтүн Минскэйдээҕи эйэлээх дуогабары толорбуттара, ити дойдуларга автономия биэрэн, бэйэлэринэн хаалларбыттара эбитэ буоллар, атын буолуо этэ. Зеленскэй ядернай сэрии сэптэниэхитин наада диэн улаханнык саҥарталаан, арҕааҥҥы дойдулар 8 сыл устата сэрии сэбинэн хааччыйа олорбуттара, кыраныысса итинтэн бэрт чугас ээ, ити барыта кутталы үөскэтэр.
Онон ыҥырыллыбыт дьон дойдуларын көмүскүү бараллар диэн сөпкө өйдүөх тустаахпыт.
Ангелина Васильева, “Саха сирэ” хаһыат, edersaas.ru
Хаартыска: sakhagov.ru